________________ दुण्हट्टाए दुण्ह वि, णिक्खिवणं होइ उज्जमंतेसु / सीअंतेसु अ सगणो, वच्चइ मा ते विणस्सिज्जा // 59 // वत्तम्मि जो गमो खलु, गणवच्छे सो गमो उ आयरिए / णिक्खिवणे तम्मि चत्ता, जमुद्दिसे तम्मि ते पच्छा // 60 // जह अप्पगं तहा ते, तेण पहुप्पंते ते ण घेत्तव्वा / अपहुप्पंते गिण्हइ, संघाडं मुत्तु सव्वे वि // 61 // सहुअसहुस्स वि तेण वि, वेयावच्चाइ सव्व कायव्वं / ते तेसिमणाएसा, वावारेउं ण कप्पंति' . // 2 // कप्पम्मि इमं सव्वं, भणिअंणाऊण सुगुरुसंसग्गी / कायव्वा कुगुरूणं, वज्जेअव्वा इमे ते य // 63 // पासत्थो ओसन्नो, होइ कुसीलो तहेव संसत्तो। अहछंदो वि य एए अवंदणिज्जा जिणमयम्मि - // 64 // पासत्थो दुवियप्पो, देसे सव्वे य होइ णायव्वो। सव्वम्मि नाणदंसणचरणाणं जो उ पासम्मि . // 65 // इत्तो च्चिय तिविगप्पो, भणिओ ववहारसुत्तचुन्नीए / सद्दत्थभेअओ वा, इमाओ इत्थं च गाहाओ // 66 // दंसणनाणचरित्ते, तवे अ अत्ताहिओ पवयणे य। तेसिं पासविहारी, पासत्थं तं विआणाहि // 67 // दसणनाणचरित्ते, सत्थो अच्छइ तहिं ण उज्जमइ / एएणं पासत्थो, एसो अण्णो वि पज्जाओ // 68 // पासो त्ति बंधणं ति य, एगटुं बंधहेअवो पासा। . पासत्थिओं पासत्थो, एसो अण्णो वि पज्जाओ // 69 // सव्वपओवादाणे, पासत्थपयं विसेसपरमित्थं / इहरा कह तं देसे, गच्छइ सव्वस्स कह व गमो // 70 // પ૨
