________________ भगिनीपतिरार्हतागमो रुचिरौ तत्तनयौ यशोवृषौ / अपि यस्य समाधिंरात्मजारमणस्तत्तनया तटस्थता // 126 // गुणसंस्तव एव मातुलः सुतपुत्राः सुनया महारथाः / उचिता नियतिः पितृष्वसा गुणसन्दर्भितनामदायिनी // 127 // ऋजुसूत्रविचारचञ्चुर: समयस्तातसहोदरः परः / सुविशुद्धपथानुसारिता प्रथिता तद्गृहिणी गृहं श्रियः // 128 // मणिचारिमभाजि-वारणा, स्थितिवातायनलम्बितैः पदैः।। विधिपक्षवलक्षकुट्टिमे सुतपः स्तम्भनिवृत्तिभित्तिके // 129 // शिखरस्थितनिश्चयेक्षणा विलसत्काञ्चनकुम्भभूषिते। स्थितिरद्भुतयोगमन्दिरे जडतातापविकारवजिते // 130 // सुकुटुम्बगृहस्थता स्थितिर्मुनिराजस्य हि तस्य तात्त्विकी। अपरे तु भवाटवीमृगा गृहभाजो भ्रमणे रताः सदा // 131 // सुखिनो विषयज्वरातुरा न हि चक्रित्रिदशाधिपा अपि / उपशान्तमदस्मरज्वरो मुनिरेको भुवनत्रये सुखी . // 132 // अब्धिर्वारिगणैरिवानल इव ज्वालाकरालस्तृणैनींच: सज्जनदूषणैरिव कणैः कालः कलानामिव / आकाशं भगणैरिव प्रहरणैः शौर्यं भटानामिव, स्वान्ते संयमवजितेन विषयाकाङ्क्षा नृणां पूर्यते // 133 // वर्धिष्णुत्रिदशर्द्धिगौरवगतिस्पर्धिष्णुमुक्ताफलश्रेणीशालिनि यद्विमानतिलके सर्वार्थसिद्धाह्वये / भुक्तं शर्म तदाशु विस्मृतमहो युष्माभिरानीयतां, वत्साः सम्प्रति संस्मृतेविषयतामाश्चर्यचिन्तामणिः // 134 // या दिव्यैर्न सुखैय॑षेधि विषयाकाङ्क्षा समुत्सर्पिणी, भोगैर्यास्यति तानवं कथमहो सा मानवीयैरिमैः / 249
