________________ विषवत् कमला विषस्वसा परितापाय भवेन्न संशयः / शिरसा धुनदीमुवाह यद् गिरिशोऽशेत हरिश्च वारिधौ // 9 // सुकृतं स्वपतेश्छिनत्त्यहो कमला स्वाश्रितवृक्षमूलवत् / भवितास्मि कथं निराश्रयेत्यपि नो वेद जडाशयोद्भवा // .91 // भवतीह सगोत्रजो यतः कलहः क्षोणिभुजां शुनामिव। प्रतिवान्तमिव प्रशान्तहृद् विरसं राज्यमदः क ईहते // 9 // हृदये मलिनेक्ष्यते कंला ननु राज्ञोऽकरुणाकलङ्किता। बहिरेव तु सा प्रगल्भते हरहारस्मितकुन्दहारिणी // 93 // गुरुवारिदवाक्यबिन्दवो नृपतेश्छत्रभृतो जगन्ति न। चलितेव हि चामरानिलात् सुमतिस्तिष्ठति नान्तिके क्षणम् // 9 // करवाल इव स्थितिः कृता हृदि निस्त्रिंशतयाऽवनीपतेः / द्वयमेकगुणं न तत्कृपाङ्कुरमुद्यन्तमपि च्छिनत्ति किम् // 95 // अतितुच्छनृपत्वशर्मणे कुलवैरादिह यो यशःक्षयः / भवतां बत भस्मनः कृते तदिदं चन्दनदाहसाहसम् // 96 // बलिनो यदि यो मुद्यता रणकण्डूलभुजा भुंजाभुजि / सहजेन न मोहवैरिणा तदहो सम्प्रति योद्धुमर्हथ // 97 // स हि चित्तमहाटवीपतिः प्रगुणीकृत्य कषाय-यामिकान् / अपि चक्रिपुरन्दरादिकान् निजबन्दीकुरुते निरन्तरम् // 98 // तनयोऽस्य च रागकेसरी सहजद्वेषगजेन्द्रसङ्गतः / कुरुते स्ववशंवदान् बलात् प्रशमश्रेणिशिरःस्थितानपि // 99 // तदवारितपारिपन्थिकैविषयैः स्वार्थनितान्तजागरैः। . ममतागहनात् समुत्थितैर्मुषितो मुक्तिपथैर्न को जनः // 10 // कुपितं समुदीक्ष्य तत्कृताश्रवसेनान्यमनन्यसन्निभम् / चरणस्खलनैव जायते व्रतभाजामपि धीरमानिनाम् // 101 // 246
