________________ // 21 // // 22 // // 23 // // 24 // // 25 // // 26 // बध्यते बाढमासक्तो यथा श्लेष्मणि मक्षिका / शुष्कगोलवदश्लिष्टो विषयेभ्यो न बध्यते बहुदोषनिरोधार्थमनिवृत्तिरपि क्वचित् / निवृत्तिरिव नो दुष्टा योगानुभवशालिनाम् यस्मिन्निषेव्यमाणेपि यस्याशुद्धिः कदाचन / तेनैव तस्य शुद्धिः स्यात् कदाचिदिति हि श्रुतिः विषयाणां ततो बन्धजनने नियमोस्ति न / अज्ञानिनां ततो बन्धो ज्ञानिनां तु न कर्हिचित् सेवतेऽसेवमानोपि सेवमानो न सेवते / कोपि पारजनो न स्याच्छ्रयन् परजनानपि अत एव महापुण्यविपाकोपहितश्रियाम् / / गर्भादारभ्य वैराग्यं नोत्तमानां विहन्यते विषयेभ्यः प्रशान्तानामश्रान्तं विमुखीकृतैः / करणैश्चारुवैराग्यमेष राजपथः किल . स्वयं निवर्तमानैस्तैरनुदीर्णैरयन्त्रितैः / तृप्तैर्ज्ञानवतां तत्स्यादसावेकपदी मता बलेन प्रेर्यमाणानि करणानि वनेभवत् / न जातु वशतां यान्ति प्रत्युतानर्थवृद्धये पश्यन्ति लज्जया नीचैर्दुर्ध्यानं च प्रयुञ्जते / आत्मानं धार्मिकाभासाः क्षिपन्ति नरकावटे वञ्चनं करणानां तद्विरक्तः कर्तुमर्हति / सद्भावविनियोगेन सदा स्वान्यविभागवित् प्रवृत्तेर्वानिवृत्तेर्वा न संकल्पो न च श्रमः / विकारो हीयतेऽक्षाणामिति वैराग्यमद्भुतम् // 27 // // 28 // // 29 // // 30 // // 31 // // 32 //
