________________ ण वहइ जो गुणरायं दोसलवं कड्ढिउं गुणड्डे वि / तस्स णियमा चरित्तं नत्थि ति भणंति समयन्नू // 132 // गुणदोसाण य भणियं मज्झत्थत्तं वि निचियमविवेए / गुणदोसो पुण लीला मोहमहारायआणाए // 133 // सयणप्पमुहेहिं ता जस्स गुणड्ढम्मि णाहिओ रागो / तस्स न दंसणसुद्धी कत्तो चरणं च निव्वाणं // 134 // उत्तमगुणाणुराया कालाईदोसओ अपत्ता वि / गुणसंपया परत्थ वि न दुल्लहा होइ भव्वाणं // 135 // गुणरत्तस्स य मुणिणो गुरुआणाराहणं हवे णियमा / बहुगुणरयणनिहाणा तओ ण अहिओ जओ को वि // 136 // तिण्हं दुप्पडिआरं अम्मापिउणो तहेव भट्टिस्स / .. धम्मायरियस्स पुणो भणिअं गुरुणो विसेसेउं // 137 // अणवत्थाई दोसा गुरुआणाराहणे जहा हुंति / हुंति य कयन्नुआए गुणा गरिहा जओ भणिया // 138 // नाणस्स होइ भागी थिरयरओ दंसणे चरित्ते य / धन्ना आवकहाए गुरुकुलवासं न मुंचंति सव्वगुणमूलभूओ भणिओ आयारपढमसुत्तम्मि / गुरुकुलवासो तत्थ य दोसा वि गुणा जओ भणिअं // 140 // एयस्स परिच्चाया सुद्धंछाइ वि णेव हिययाणि / कम्माइ वि परिसुद्धं गुरुआणावत्तिणो बिति // 141 // आयत्तया महागुण कालो विसमो सपरक्खया दोसा / / आइमतिगभंगेण वि गहणं भणिअं पकप्पम्मि.. // 142 // गुरुआणाए चाए जिणवरआणा न होइ णियमेण / सच्छंदविहाराणं हरिभद्देणं जओ भणिअं // 143 // 29 39 //
