________________ // 60 // // 61 // // 62 // . // 63 // // 64 // // 65 // गंठिम्मि विभिन्नम्मि नाणं पडिबंधओ वि पडिपुण्णं / जह पाडिवओ चंदो पडिपुनो सुक्कपक्खम्मि जमिणं होइ फलंगं दव्वेण असप्पवित्तिजुत्तं वि। अणुबंधच्छेयाओ सो खलु मूलं किलेसाणं वज्जेयव्वो एसो अण्णह धम्मो वि सबलओ होइ / एयस्स पभावेणं अणंतसंसारिआ बहवे एसो आणाजत्ता णासइ रोगो जहोसहपयत्ता। तप्पबलत्ते वि इमो जुत्तो अब्भासहेउ त्ति एत्तो अ एत्थ णेयं कालाकालेहि सहलविहलत्तं / घणमिच्छत्तमकालो कालोऽपुणबंधगाईओ णिच्छयओ पुण कालो णेओ एअस्स गंठिभेअम्मि / पोग्गलपरिअट्टद्धं जमूणमेयम्मि संसारो' एवमकालपओगे कह गेवेज्जगसुहं णु सुअसिद्धं / नणु तं जोगप्पभवं ण उ परिणामेण को दोसो . ण य तं पि अंतरंगं अविद्धतंबे सुवण्णवण्णो व्व। विसवारिअस्स जह वा घणचंदणकामिणीसंगो जह वा दहस्स सारयरविकिरणकयं जलस्स उण्हत्तं / अंधो जहा ण पासई तह न कुदिट्ठी सुहं लहइ / साभाविअं खलु सुहं आयसभावस्स दंसणेऽपुव्वं / अणहीणमपडिवक्खं सम्मद्दिट्ठिस्स पसमवओ तिमिरहरा जइ दिट्ठी जणस्स दीवेण णत्थि कायव्वं / तह सोक्खं सयमाया विसया किं तत्थ कुव्वंति अंतरधारालग्गे सुहम्मि बज्झं पि सुक्खमणुवडइ जह नीरं खीरम्मि णिच्छयओ भिन्नरूवं तु // 66 // // 67 // // 68 // // 69 // // 70 // // 71 //
