________________ // 32 // // 2 // // 3 // // 4 // इत्थं दानविधिज्ञाता धीर: पुण्यप्रभावकः / यथाशक्ति ददद्दानं परमानन्दभाग् भवेत् देशनाद्वात्रिंशिका // 2 // यथास्थानं गुणोत्पत्तेः सुवैद्येनेव भेषजम् / बालाद्यपेक्षया देया देशना क्लेशनाशिनी उन्मार्गनयनात् पुंसामन्यथा वा कुशीलता / सन्मार्गद्रुमदाहाय वह्निज्वाला प्रसज्यते अनुग्रहधिया वक्तुर्धर्मित्वं नियमेन यत् / भणितं तत्तु देशादिपुरुषादिविदं प्रति कोऽयं पुरुष इत्यादिवचनादत एव च / पर्षदादिविवेकाच्च व्यक्तो मन्दस्य निग्रहः . अज्ञातवाग्विवेकानां पण्डितत्वाभिमानिनाम् / विषं यद्वर्तते वाचि मुखे नाशीविषस्य तत् / तत्र बालो रतो लिङ्गे वृत्तान्वेषी तु मध्यमः / पण्डितः सर्वयत्नेन शास्त्रतत्त्वं परीक्षते गृहत्यागादिकं लिङ्गं बाह्यं शुद्धि विना वृथा / न भेषजं विनारोग्यं वैद्यवेषेण रोगिणःगुरुदोषकृतां वृत्तमपि त्याज्यं लघुत्यजाम् / . जाड्यत्यागाय पतनं ज्वलति ज्वलने यथा शास्त्रतत्त्वं बुधज्ञेयमुत्सर्गादिसमन्वितम् / तद्दष्टेष्टाविरुद्धार्थमैदम्पर्यविशुद्धिमत् श्रुतचिन्तोत्तरोत्पन्नभावनाभाव्यमस्त्यदः / श्रुतं सर्वानुगाद्वाक्यात्प्रमाणनयवर्जितात् // 5 // // 6 // // 7 // // 8 // // 9 // // 10 // . . . . 135
