________________ // 84 // अवधादुपसर्गेभ्यः कम्पते न बिभेति च / असंमोहान्न सूक्ष्मार्थे मायास्वपि च मुह्यति विवेकात्सर्वसंयोगाद्भिन्नमात्मानमीक्षते / देहोपकरणासङ्गो व्युत्सर्गाज्जायते मुनिः एतद्ध्यांनक्रमं शुद्धं मत्वा भगवदाज्ञया / यः कुर्यादेतदभ्यासं संपूर्णाध्यात्मविद्भवेत् // 85 // // 86 // ध्यानस्तुत्यधिकारः // 17 // यत्र गच्छति परं परिपाकं पाकशासनपदं तृणकल्पम् / स्वप्रकाशसुखबोधमयं तद्ध्यानमेव भवनाशि भजध्वम् // 1 // आतुरैरपि जडैरपि साक्षात् सुत्यजा हि विषया न तु रागः / ध्यानवांस्तु परमद्युतिदर्शी तृप्तिमाप्य न तमृच्छति भूयः // 2 // या निशा सकलभूतगणानां ध्यानिनो दिनमहोत्सव एषः / यत्र जाग्रति च तेऽभिनिविष्टा ध्यानिनो भवति तत्र सुषुप्तिः // 3 // संप्लुतोदकमिवान्धुजलानां सर्वतः सकलकर्मफलानाम् / सिद्धिरस्ति खलु यत्र तदुच्चैर्ध्यानमेव परमार्थनिदानम् // 4 // बाध्यते न हि कषायसमुत्थैर्मानसैर्न ततभूपनमद्भिः / अत्यनिष्टविषयैरपि दुःखैानवान्निभृतमात्मनि लीनः // 5 // स्पष्टदृष्टसुखसंभृतमिष्टं ध्यानमस्तु शिवशर्मगरिष्ठम् / नास्तिकस्तु निहतो यदि न स्यादेवमादिमयवाङ्मयदण्डात् // 6 // यत्र नार्कविधुतारकदीपज्योतिषां प्रसरतामवकाशः / ध्यानभिन्नतमसां मुदितात्मज्योतिषां तदपि भाति रहस्यम् // 7 // योजयत्यमितकालवियुक्तां प्रेयसी शमरति त्वरितं यत् / - ध्यानमित्रमिदमेव मतं नः किं परैर्जगति कृत्रिममित्रैः // 8 // . 105
