________________ 9. मायाणिअडिपहाणा अकज्जणिच्चुज्जुआ णिरणुकंपा / थीबालवुड्डवीसत्थघाइणो वंचणिक्कपरा धूवंजणजोगेहि अ ओसोअणि-थंभणीहिं विज्जाहिं / सर-वनभेयकुसला तेसि पहू पंचिमे कमसो मूलसिरि कंडरीओ एलासाढो ससो अ खंडवणा / इक्किक्कस्स य तेसिं धूत्ताणू पंच-पंचसया : - // 7 // धूत्तीणं पंचसया खंडवणाए अ णवरि परिवारो। सव्वाण वि ताण पहू मूलसिरी लोअविक्खाओ // 8 // वट्टइ अ ताण कालो जलयसमुच्छ्न सूर-ससिमग्गो / .... इंदधणुविज्जुगज्जिअजलयरमुहलो वरिसयालो / // 9 // सत्ताहदुद्दिणम्मि अ समंतओ भरिअवप्पकूवसरे / कयचिक्खिल्लचिलिप्फिलदुस्संचारासु रच्छासु // 10 // एआरिसम्मि काले ते धुत्ता सीअवद्दलाभिहया / भुक्खत्ता बिति तर्हि-'को अहं दिज्ज भत्तं' ति // 11 // अह भणइ मूलदेवो-'जं जेण सुअं च समणुभूअं वा। सो तं कहेउ सव्वं मिलिआणेआण धुत्ताणं // 12 // जो तं न पत्तिइज्जा असच्चवयणं ति तेण सव्वेसि / धुत्ताण समुइआणं दायव्वं भत्तपाणं ति // 13 // जो पुण-पुराण-भारह-रामायण-सुइ-समुत्थ वयणेहिं / तं वयण समत्थित्ता महायणं पत्तिआविज्ज // 14 // सो धुत्ताण अहिवई महामई अस्थि सत्थणिम्माओ। . मा देउ किंचि कस्स वि-' इअ भणिए मूलदेवेण // 15 // ते सव्वे विअ भणिया - 'इअ होउ सुसोहणं तए भणिअं' / किंतु तुमं पढमं चिअ कहेहि जं ते समणुभूअं / // 16 // 2
