________________ तेहिं पि न कारेई नवमासे जाव पेसपडिम त्ति / पुव्वोइया उ किरिया सव्वा एयस्स सविसेसा // 195 // उद्दिट्टाहाराईण वज्जणं इत्थ होइ तप्पडिमा / दसमासावहि सज्झायझाणजोगप्पहाणस्स इक्कारस मासे जाव समणभूयपडिमा उ चरिम त्ति / अणुचरइ साहुकिरियं इत्भ इमो अविगलं पायं . // 197 // आसेविऊण एवं कोई पव्वयइ तह गिही होइ / तब्भावभेयओ च्चिय विसुद्धिसंकेसभेएणं // 198 // एया उ जहुत्तरमो असंखकम्मक्खओवसमभावा / . . हुंति पडिमा पसत्था विसोहिकरणाणि जीवस्स // 199 // आसेविऊण एया भावेण निओगओ जई होइ / जं उवरि सव्वविरई भावेणं देसविरईओ // 200 // // 11 // यतिधर्मविंशिका // नमिऊण खीणदोसं गुणरयणनिहिं जिणं महावीरं / संखेवेण महत्थं जइधम्मं संपवक्खामि // 201 // खंती य मद्दवज्जव मुत्ती तव संजमे य बोद्धव्वे / / सच्चं सोयं आकिंचणं च बंभं च जइधम्मो // 202 / / उवगारवगारिविवागवयणधम्मुत्तरा भवे खंती / साविक्खं आदितिगं लोगिगमियरं दुगं जइणो // 203 // बारसविहे कसाए खविए उवसामिए य जोगेहिं / जं जायइ जइधम्मो ता चरिमं तत्थ खंतिदुगं // 204 // सव्वे य अईयारा जं संजलणाणमुदयओ टुति / ईसिजलणा य एए कुओवगारादविक्खेह // 205 // 18
