________________ उत्थाने निर्वेदात् करणमकरणोदयं सदैवास्य / अत्यागत्यागोचितमेतत्तु स्वसमयेऽपि मतम् // 215 // भ्रान्तौ विभ्रमयोगान्न हि संस्कारः कृतेतरादिगतः / तदभावे तत्करणं प्रक्रान्तविरोध्यनिष्टफलम् // 216 // अन्यमुदि तत्र रागात् तदनादरताऽर्थतो महापाया / सर्वानर्थनिमित्तं मुद्विषयाङ्गारवृष्ट्याभा // 217 // रुजि निजजात्युच्छेदात् करणमपि हि नेष्टसिद्धये नियमात् / अस्येत्यननुष्ठानं तेनैतद्वन्ध्यफलमेव / . // 218 // आसङ्गेऽप्यविधानादसङ्गसक्त्युचितमित्यफलमेतत् / भवतीष्टफलदमुच्चैदस्तदप्यसङ्गं यतः परमम् // 219 // एतद्दोषविमुक्तं शान्तोदात्तादिभावसंयुक्तम् / सततं परार्थनियतं सङ्कलेशविवर्जितं चैव // 220 // सुस्वप्नदर्शनपरं समुल्लसद्गुणगणौघमत्यन्तम् / कल्पतरुबीजकल्पं शुभोदयं योगिनां चित्तम् .. // 221 // एवंविधमिह चित्तं भवति प्रायः प्रवृत्तचक्रस्य / ध्यानमपि शस्तमस्य त्वधिकृतमित्याहुराचार्याः // 222 // शुद्धे विविक्तदेशे सम्यक्संयमितकाययोगस्य / कायोत्सर्गेण दृढं यद्वा पर्यङ्कबन्धेन // 223 // साध्वागमानुसाराच्चेतो विन्यस्य भगवति विशुद्धम् / स्पर्शावेधात्तत्सिद्धयोगिसंस्मरणयोगेन // 224 // ____15 - ध्येयस्वरूपम् . सर्वजगद्धितमनुपममतिशयसन्दोहमृद्धिसंयुक्तम् / ध्येयं जिनेन्द्ररूपं सदसि गदत्तत्परं चैव . . . // 225 // 111
