________________ सुहुमो असेसविसओ सावज्जे जत्थ अत्थि पडिसेहो / रागाइविअडणसहं झाणाइ अ एस कससुद्धो. // 1068 // जह मणवयकाएहि परस्स पीडा दढं न कायव्वा।। झाएअव्वं च सया रागाइविवक्खजालं तु // 1069 // थूलो ण सव्वविसओ सावज्जे जत्थ होइ पडिसेहो। रागाइविअडणसहं न य झाणाई वि तह (य) सुद्धो // 1070 // जह पंचहिं बहूएहि व एंगा हिंसा मुसं विसंवाए। इच्चाओ झाणम्मि अ झाएअव्वं अगाराई // 1071 // सइ अप्पमत्तयाए संजमजोएसु विविहभेएसु। जा धम्मिअस्स वित्ती एअं बझं अणुट्ठाणं // 1072 // एएण न बाहिज्जइ संभवइ अ तं दुगं पि निअमेण / एअवयणेण सुद्धो जो सो छेएण सुद्धो.त्ति // 1073 // जह पंचसु समिईसुं तीसु अ गुत्तीसु अप्पमत्तेणं। सव्वं चिअ कायव्वं जइणा सइ काइगाई वि // 1074 // जे खलु पमायजणगा वसहाई ते वि वज्जणिज्जाउ। महुअरवित्तीअ तहा पालेअव्वो अ अप्पाणो || 1075 // जत्थ उ पमत्तयाए संजमजोएसु विविहभेएसु / नो धम्मिअस्स वित्ती अणणुट्ठाणं तयं होइ // 1076 // एएणं बाहिज्जइ संभवइ अ तद्दुगं न णिअमेण / एअवयणोववेओ जो सो छेएण नो सुद्धो // 1077 // जहा देवाणं संगीअगाइकज्जम्मि उज्जमो जइणो। कंदप्पाईकरणं असम्भवयणाभिहाणं च // 1078 / / तहा अन्नधम्मिआणं उच्छेओ भोअणं गिहेगऽण्णं / असिधाराइ अ एअं पावं बझं अणुढाणं . // 1079 // .80
