________________ विसम पलोट्टण आया इअरस्स पलोट्टणम्मि छक्काया। झुसिरम्मि विच्चुगाई उभयक्कमणे तसाईआ // 420 // जे जम्मि उउम्मि कया पयावणाईहि थंडिला ते उ। होंति इअरम्मि चिरकया वासावुत्थे अ बारसगं // 421 // हत्थाययं समंता जहन्नमुक्कोस जोअणविमुक्कं (बिछक्क)। चउरंगुलप्पमाणं जहन्नयं दूरमोगाढे // 422 // दव्वासण्णं भवणाइयाण तहिअंतु संजमायाए। आयापवयणसंजम-दोसा पुण भावआसण्णे . // 423 // हुंति बिले दो दोसा तसेसु बीएसु वा वि ते चेव / संजोगओ अ दोसा मूलगमा होति सविसेसा // 424 // दिसिपवणगामसूरिअछायाए मज्जिऊण तिक्खुत्तो। जस्सोग्गहो त्ति किच्चा ण वोसिरे आयमिज्जा वा // 425 // उत्तर पुव्वा पुज्जा जमाए निसिअरा अहिवडंति / घाणारिसा य पवणे सूरिअगामे अवण्णो उ .. // 426 // संसत्तग्गहणी पुण छायाए निग्गयाइ वोसिरइ / छायाऽसइ उण्हम्मि वि वोसिरिअ मुहुत्तगं चिढे // 427 // आलोयणमड्ढमहे तिरिअं काउं तओ पमज्जिज्जा / पाए उग्गहऽणुण्णा पमज्जए थंडिलं विहिणा // 428 // उवगरणं वामे ऊरगम्मि मत्तं च दाहिणे हत्थे। तत्थऽण्णत्थ व पुंछे तिहिं आयमणं अदूरम्मि // 429 // पढमासइ अमणुन्नेअराण गिहिआण वा वि आलोए। . पत्तेअमत्त कुरुकुअ दवं च परं गिहत्थेसु // 430 // तेण परं पुरिसेणं असोअवाईण वच्च आवायं। इत्थिनपुंसगलोए परम्मुहो कुरुकुआ सा उ // 431 // 3C
