________________ . निव्विगयाइं दिज्जइ पुढवाईवियट्टणे तवविसेसे / तवदुद्दमस्स मुणिणो किज्जइ पज्जायवुच्छेए // 1522 // पाणाइवायपमुहे पुणव्वयारोवणं विहेयव्वं / नाविज्जइ नवएसुं कराइघायप्पदुट्ठमणो // 1523 // पारंचियमावज्जइ सलिंगनिवभारियाइसेवाहि / अव्वत्तलिंगधरणे बारस वरिसाइं सूरीणं // 1524 / / नवरं दसमावत्तीए नवममज्झावयाण पच्छित्तं / छम्मासे जाव तवं जहन्नमुक्कोसओ वरिसें // 1525 / / दस ता अणुसज्जंती जाव चउदपुव्वा पढमसंघयणी / ' तेण परं मूलंतं दुप्पसहो जाव चारित्ती // 1526 // पढमछक्कं पुलायाणं बउसपडिसेवणाकुसीलथिरकप्पाणं / दसहा पायच्छित्तं जिणकप्पालंदए अट्ठ // 1527 // आलोयणा विवेओ णिग्गंथाणं दुहा वि पच्छित्तं / एगं च सिणायाणं विवेगरूवं खु पच्छित्तं . // 1528 // सामाइयचरित्ताणं थेरकप्पम्मि हुज्ज दसगमवि / जिणकप्पे पुण अडगं छेयं मूलं दुवे नत्थि // 1529 / / छेयम्मि पढमछक्कं परिहारविसुद्धयम्मि थिरकप्पे / अड जिणकप्पे छग पुण आलोयणविवेय सुहुमम्मि // 1530 // इच्चाइ तवविसेसा नाऊण य जो पदेइ जहजुग्गं / न कुणइ जो जहवायं न सम्ममालोइयं तस्स // 1531 / / जइ सालंबणसेवी संकप्पाईण वज्जिओ सययं / नहु तस्स दिज्ज एवं आलोयणपयं पयट्टाओ // 1532 // तित्थयराइपयाणं अणासायणपरस्स सव्वग्गं / पायच्छित्तं दिज्जा हुज्जा जइ संजमुज्जुत्तो // 1533 // 272
