________________ दक्खो संवरसीलो रिजुभावो दाणसीलगुणकुसलो / धम्मम्मि होइ बुद्धी अरूसणो तेउलेसाए // 1294 // सत्तणुकंपो य थिरो दाणं खलु देई सव्वजीवाणं / अइकुसलबुद्धिमंतो धिइमंतो पम्हलेसाए // 1295 // धम्मम्मि होइ बुद्धी पावं वज्जेइ सव्वकज्जेसु / आरंभेसु न रज्जइ अपक्खवाई य सुक्काए // 1296 // कण्हाइ दव्वजोयण फलिहस्सिव अप्पणो य परिणामो / जायइ कज्जपवित्ती दव्वओ सा भवे लेसा // 1297 // परिणामो सव्वत्थ वि जायइ समत्तकज्जसंपत्ती / सा णेया भावलेसा कम्मनिस्संदरूवा य // 1298 // लेसाणं परिणामा तिंगनवइगसीइदुसयतेयालं / / बहुं वा बहुविहं वा हुंति य जा सुक्कलेसाओ // 1299 // पत्तेयं लेसाओ अणंतवग्गणमईओ पण्णत्ता / . तहाणंतासंखिज्जप्पएसगाढाओ सव्वाओ . // 1300 // अज्झवसायट्ठाणाणि तासिं संखाइयाणि सव्वासि / / खित्तओ असंखलोगा-गाससमाणि प्पमत्ताइ // 1301 // असंखिज्जाण उस्सप्पिणीण वस्सप्पिणीण जे समया / संखाईया लोगा लेस्साणं हुंति ठाणाइं . // 1302 / जोगगयदव्वलेसा के वि भणंति जावजोगीणें / / तो ण अजोगित्ते वि हु नज्जइ ता जुत्तिवयणमिणं // 1303 // ता न कसायसहाया लेसा जम्हा अणण्णवत्तिरया / बुज्जइ अकसायाणं कसायसंदीवणे तासिं // 1304 // बइ लेसा निस्संदो कम्माणं. ता हविज्ज केसिं वा। भइयाइ कम्मजणिया तो केवलिणं न जुज्जइ य // 1305 // 253
