________________ तत्थ परिणामजणिया सिलेसदव्वप्पकम्मगयभावा / कण्हइ दव्वसइ वा फलिहस्सिव दव्वओ अप्पा // 1282 // (दिटुंता जहा) जह जंबूपायवेगो सुपक्कफलभारनमियसव्वंगो / दिवो आह किमन्ने ते बिंति जंबू भक्खेमो // 1283 // दिटुंतस्सोवणओ च्छिंदह मूलाओ बेइ जो एवं / सो वट्टइ किण्हाए साहमहल्ला य नीलाए // 1284 // . हवइ पसाहा काऊ गुच्छा तेऊ फलाई पम्हाए / पडियाइ सुक्कलेसा अहवा अन्नं इमाहरणं // 1285 // चोरा गामवहत्थं विणिग्गया एगु बेइ घाएह / ... जं पिच्छह तं सव्वं दुपयं चउप्पयं वा वि // 1286 // बीओ माणुस, पुरिसे तइओ, वह साउहे चउत्थो उ। पंचमओ जुज्झते, छटो पुण तत्थिमं भणइ // 1287 // इक्कं ता हरह धणं बीयं मारेह मा कुणह एयं / केवलं हरह धणं ता उवसंहारों इमो तेसिं . // 1288 // सव्वे मारेहित्ती वट्टइ सो किण्हलेसपरिणामो / एवं कमेण सेसा जा चरमो सुक्कलेसाए . // 1289 // (संग्रहणी चे यं) मूलं 1 साह 2 पसाहा 3 गुच्छ 4 फले 5 छिंद पडियभक्खणया 6 / सव्वं 1 माणुस 2 पुरिसा 3 साउह 4 जुझंत 5 धणहरणा 6 // 1290 // वेरेण निरणुकंपो अइचंडो दुम्मुहो खरो फरुसो / किण्हाइ अणझप्पो वहकरणरओ य तक्कालं // 1291 // . मायादंभे कुसलो उक्कोडालद्धचबलचलचित्तो / मेहुणतिव्वभिरओ अलियपलावी य नीलाए // 1292 // मूढो आरंभपिओ पावं न गणेइ सव्वकज्जेसु / . न गणेइ हाणिवुड्डी कोहजुओ काउलेसाए // 1293 / / ૨પ૦
