________________ निरवज्जाहारेण निज्जीवेणं परित्तमीसेणं / अत्ताणुसंधणपरा सुसावगा एरिसा हुंति // 1186 // रंधणखंडणपीसणदलणं पयणं च एवमाईणं / निच्चं परिमाणकरणं अविरइबंधो जओ गुरुओ // 1187 // कट्ठपिट्ठभवं मज्जं मंसं जलथलखयरेहिं तिहा। अहवा चम्म उहिर-भेएहिं दुविहमामिस्सं // 1188 // गुरुमोहकलहनिद्दा परिभवउवहासरोसमयहेऊ / मज्जं दुग्गइमूलं हिरिसिरिमइ-धम्मनासकरं // 1189 / / पंचिदियवहभूयं मंसं दुग्गंधमसुइबीभत्थं / रक्खपरिच्छलियभक्खगमामयजणगं कुगइमूलं // 1190 // आमासु अ पक्कासु विपच्चमाणासु मंसपेसेसु / सययं चिय उववाओ भणिओ निगोयजीवाणं // 1191 // मज्जे महुम्मि मंसम्मी नवणीयम्मि चउत्थए / उपजंति असंखा तव्वण्णा तत्थ जंतुणो // 1192 // मज्जंगालातीयं महुपुडपुलभावसंपन्नं / मंसाईअतणुपत्तं तक्करबहिअंच नवंणीयं // 1193 // (तत्थाभक्खाणि) पंचुंबरि 5 चउविगई 9 हिम 10 विस 11 करगे य 12 सव्वमट्टी य 13 // रयणीभोयणगं चिय 14 बहुबीय 15 मणंत 169 संधाणं 17 // 1194 // घोलवडां 18 वायंगण 19 अमुणियनामाणि पुप्फफलयाणि 20 / तुच्छफलं 21 चलियरसो 22 वज्जह दव्वाणि बावीसं // 1195 // मेहं पिवीलियाओ हणंति वमणं च मच्छिया कुणइ / . जूया जलोदरत्तं कोलियओ कोट्ठरोगं च // 1196 // वालो सरस्स भंग कंटो लग्गइ गलम्मि दारुं च / . तालुम्मि विंधइ अली वंजणमज्झम्मि भुंजते . // 1197 / / 244
