________________ मालंति महीयलं जामिणीसु रयणीयरा समंतेणं / ते वि हु च्छलंति हु फुडं रयणीए भुंजमाणं तु // 1198 // जीवाणं कुंथुमाईण घायणं भाणधोयणाईसु / एमाइ रयणीभोयणदोसे को साहिउं तरइ // 1199 // सव्वेसु वि देसेसु सव्वेसु वि चेव तह य कालेसु / कुसुणिसु आमगोरस-जुत्तेसु निगोयपंचिंदी // 1200 / / जम्मि उ पीलिज्जंते नेहो नहु होइ बिंति तं वियलं / विदले वि हु उप्पन्नं नेहजुयं होइ नो विदलं // 1201 / / उग्गममाणो विदलं विदलं सव्वं च कट्ठदलयं च / निन्नेहं समदलयं जं हुज्जा तं हवे विदलं // 1202 // निन्नेहविदलसंभवमवि तयपत्ताइसव्वमवि विदलं / जइ गोरसम्मि पडइ ता तसजीवाण उप्पत्ती // 1203 // जइ मुग्गमासपभिइविदलं कच्चम्मि गोरसे पड़इ / ता तसजीवुप्प त्ति भणंति दहिए वि बिदिणुवरिं // 1204 // दव्वंतरसंपत्ते सीए वि हु गोरसम्मि उसिणम्मि / उसिणे वि अवक्खेवो न जुज्जए गोरसाईणं // 1205 // सव्वाओ कंदजाई सूरणकंदो य वज्जकंदो य / अल्लहलिद्दा य तहा अल्लं तह अल्लकच्चूरो . // 1206 / / सत्तावरी विराली कुंआरि तह थोहरी गलोईआ / लसणं वंसकरिल्ला गज्जरलूणो य तह लोढो // 1207 / / मिरिकण्णी किसलपत्ता खरंसूया थेग अल्लमुत्था य / तह लोणरुक्खच्छल्ली खिल्लुहडा अमयवल्ली य // 1208 / / मूला तह भूमिरुहा विरुहा तह ढंकवत्थुलो / पढमो सूयरवल्लो य तहा पल्लंको कोमलंबिलिया // 1209 // 245
