________________ // 976 सच्चित्तदव्वविगई-वाणहतंबोलवत्थकुसुमेसु / वाहणसयणविलेवण-बंभदिसिन्हाणभत्तेसु // 971 // वसहीसयणासणभत्त-पाणभेसज्जवत्थपत्ताइ / जइ वि न पज्जत्तधणो थोवा वि हु थोवयं देइ // 972 / / साहूण चेइयाण य पडिणीयं तह अवण्णवायं च / / जिणपवयणस्स अहियं सव्वत्थामेण वारेइ . // 973 // पढमं जईण दाऊण अप्पणा परमिऊण पारेइ / असइ सुविहियजणम्मि भुंजेइ कयदिसालोंओ // 974 // . संजईण दव्वलिंगीण-मंतरं मेरुसरिसवसरिच्छं / नाऊण पत्तदाणे जयइ सो गुणजुओ सड्ढो // 975 // मन्नइ जिणाण आणं मिच्छं परिहरंइ धरइ सम्मत्तं / छव्विहआवस्सयम्मी उज्जुत्तो होइ पइदिवसं पव्वेसु पोसहवयं दाणं सीलं तवो य भावो य / सज्झायनमुक्कारो परोवयारो य जयणा य // 977 // जिणपूया जिणथुणणं गुरुथुइ साहम्मियाण वच्छल्लं / ववहारेण पवित्ती रहजत्ता तित्थजत्ता य // 978 // उवसमविवेगसंवर-भासासमिइछज्जीवकरुणा य / धम्मियजणसंसग्गो करणदमो चरणपरिणामो // 979 // संघोवरि बहुमाणो पुत्थयलिहणं पभावणा तित्थे / जिणसासणम्मि राओ णिच्चं सुगुरूण विणयपरो // 980 // इच्छइ नियहिययम्मी परिग्गहं णवविहं परिच्चज्ज / . गहिऊण संजमभरं करेमि संलिहणमणिदाणं // 981 / / कप्पूरधूववत्थ-प्पभिइ दव्वेहिं पुत्थयाणं च / ' निम्माइ सया पूया पव्वदिणम्मि विसेसाओ . . // 982 // 226
