________________ दव्वसए संजाए गेहम्मि जिणिदबिंबसंठवणं / पवयणलिहणं सहस्से लक्खे जिणभवणकारवणं // 983 // जिण्णुद्धरणाईयं किच्चं किज्जइ दससहस्सेहिं / इच्चाइधम्मकिच्चं सत्तीए कुणइ जो सड्ढो // 984 // संवच्छरचाउम्मा-सिएसु अट्ठाहियासु तिहीसु / सव्वायरेण लग्गइ जिणवरपूयातवगुणेसु // 985 // अट्ठमी चउद्दसी पुण्णि-मसी उद्दिट्ठा तिहिचउक्कम्मि / चारित्तस्साराहण-कए करे पोसहाईयं // 986 // बीया पंचमि. इकारसीतिहि नाणहेऊया एया / तत्थ य नाणाईणं पूया भत्तीइ कायव्वा // 987 // अण्णा दंसणतिहिओ तत्थ जिणिंदाण भत्ती जुत्तीओ। विविहा विविहपयारा कायव्वा पइदिणं सम्मं // 988 // अट्ठाहियम्मि भूयाण तसाण जीवाण जो अमाघाओ। निरवज्जं कायव्वं असणाई जिणिंदआणाए // 989 // जिणदव्वनाणदव्वं साहारणमाइदव्वसंगहणं / न करेइ जइ करेइ नो कुज्जा नियधणप्पसंगं // 990 // जई वड्डावई तो पुण लेहयभिच्चाइ सव्वमन्नत्थ / संघसमक्खं रक्खइ नासे जइ देइ मूलधणं // 991 / / एवं तित्थयरत्तं पावइ तप्पुण्णओ महासड्ढो। / इत्थविहिविवरीओ जो सो दुल्लहबोहिओ हवइ // 992 // . तम्हा आगममग्गं करेइ सव्वत्थ अग्गओ कुसलो / / सो खलु दंसणसड्डो वुड्ढो सो संघमज्झम्मि // 993 // . विहिकरणं गुणिराओ अविहिच्चाओ य पवयणुज्जोओ। ___ अरिहंतसुगुरुसेवा इमाइ सम्मत्तलिङ्गाई // 994 // 227
