________________ जो उस्सुत्तं भासि सद्दहइ कुणइ कारवे अण्णं / अणुमन्नइ कीरंतं मणसा वाया वि काएणं // 800 / / मिच्छद्दिट्ठी नियमा सावएहिं पि सो वि मुणिरूवो / परिहरियव्वो जं दंसणे वि पच्छित्तं तस्स चउगुरुयं // 801 // कत्थ अम्हारिसा पाणी दूसमादोसदूसिया / हा अणाहा कहं हुंता न हुँतो जइ जिणागमो // 802 // हीणायारेहिं तह वेसविडंबगेहि मलिणीकयं तित्थं / नियअत्थविसयविसमयदेसणाकज्जनिरएहिं // 803 // उच्छेइयधम्मगंथा नत्थिक्कपयंडवायनट्ठघणा / कलहाइदोससहिया संपइ कालाणुभावाओ // 804 // के वि मुणिरूवपासा फुरंति अतुक्क करिसमुद्दामा / असंजये त्ति संजयमालप्पा बालरम्मा य . // 805 // कहमण्णहा मुणिज्जइ तेसि सरूवं न होइ जिणवयणं / सुद्धपरूवगमुणिणो गीयत्था जइ न हा हुज्जा // 806 // आगमभणियं जो पण्णवेइ सद्दहइ कुणइ जहसत्तिं / तिलोक्कवंदणिज्जो दूसमकाले वि सो साहू सम्मत्तरयणकलिया गीयत्था सव्वसत्थणयकुसला / धम्मत्थियवेसधरा अस्थिक्काभरणसव्वंगा // 808 // पवयणमग्गसुदिट्ठी दिट्ठीहि अत्तदोसपासणया / सत्तिकयाणुट्ठाणा संदिग्गा तइयपक्खधरा // 809 // सुज्झइ जई सुचरणो सुज्झइ सुसावओ वि गुणकलिओ / उसन्नचरणकरणो वि सुज्झइ संविग्गपक्खरुई // 810 // पंचमहव्वयजुत्ता परमवसन्ना हु उवसमे भावे / संजलणाणं सड्ढागुणेहिं उज्जुत्तया हुंति // 811 // 211 // 807 //
