________________ धण्णा य उभयजुत्ता धम्मपवित्तीइ हुंति अन्नेसिं / जं कारणमिह पायं केसिंचि कयं पसंगेणं // 108 // ओसरणे जिणभवणे उच्छुवणे खीररुक्खवणसंडे। गंभीरसाणुणाए एमाइपसत्थखित्तम्मि // 109 // दिज्ज ण उ भग्गझामिअसुसाणसुण्णामण्णुण्णगेहेसु / छारंगारकयारामेज्झाईदव्वदुढे वा . // 110 // चाउद्दसिं पण्णरसिं च वज्जए अट्ठमि च नवमि च। छट्टिं च चउत्थिं बारसिं च सेसासु दिज्जाहि // 111 // तिसु उत्तरासु तह रोहिणीसु कुज्जा उ सेहनिक्खमणं / गणिवायए अणुण्णा महव्वयाणं च आरुहणा // 112 // संझागयं 1 रविगयं 2 विड्डेरं 3 सग्गहं. 4 विलंबिं च 5 / राहुगयं 6 गहभिन्नं 7 च वज्जए सत्त नक्खत्ते // 113 // एसा जिणाणमाणा खित्ताईआ य कम्मुणो हुंति / उदयाइकारणं जं तम्हा एएसु जइअव्वं / // 114 // पुच्छ कहणा परिच्छा सामाइअमाइसुत्तदाणं च। चिइवंदणाइआइ विहीए सम्मं पयच्छिज्जा // 115 // धम्मकहाअक्खित्तं पव्वज्जाअभिमुहंति पुच्छिज्जा। को कत्थ तुमं सुंदर ! पव्वयसि च किं निमित्तं ति? // 116 // कुलपुत्तो तगराए असुहभवक्खयनिमित्तमेवेह / पव्वामि अहं भंते ! इइ गेज्ज्ञो भयण सेसेसु // 117 // साहिज्जा दुरणुचरं कापुरिसाणं सुसाहुचरिअंति। . आरंभनियत्ताण य इहपरभविए सुहविवागे // 118 // जह चेव उ मोक्खफला आणा आराहिआ जिणिंदाणं / . संसारदुक्खफलया तह चेव विराहिआ होइ / // 119 // 10.
