________________ पालेइ साहुकिरिअं सो सम्मं तम्मि चेव चत्तम्मि / तब्भावम्मि अ विहलो इअरस्स कओ वि चाओ त्ति // 96 // दीसंति अ केइ इहं सइ तम्मि बज्झचायजुत्ता वि। तुच्छपवित्ती अफलं दुहा वि जीवं करेमाणा // 97 // चइऊण घरावासं आरंभपरिग्गहेसु वटुंति / जं सन्नाभेएणं एअं अविवेगसामत्थं // 98 // मंसनिवित्तिं काउं सेवइ दंतिक्कयं ति धणिभेआ। इअ चइऊणारंभं परववएसा कुणइ बालो // 99 // पयईए सावज्जं संतं जं सव्वहा विरुद्धं तु / धणिभेअम्मि वि महुरगसीअलिगाइ व्व लोगम्मि / 100 // ता कीस अणुमओं सो उवएसाइम्मि कूवनाएणं ? / गिहिजोगो उ जइस्स उ साविक्खस्सा परट्ठाए // 101 // अण्णाभावे जयणाएँ मग्गणासो हविज्ज मा तेणं / पुवकयाययणाइसु ईसिं गुणसंभवे इहरा . // 102 // चेइअकुलगणसंघे आयरिआणं च पवयणसुए अ!। सव्वेसु वि तेण कयं तवसंजममुज्जमंतेण // 103 // एत्थ यऽविवेगचागा पवत्तई जेण ता तओ पवरो। तस्सेव फलं एसो जो सम्म बज्झचाउ त्ति // 104 // ता थेवमिअं कज्जं सयणाइजुओ नव न्ति सइ तम्मि / एत्तो चेव य दोसा ण हुंति सेसा धुवं तस्स // 105 // सुत्तं पुण ववहारे साहीणे वा (णत्ता) तवाइभावेणं / हू अविसद्दत्थम्मी अन्नो वि तओ हवइ चाई // 106 // को वा कस्स न सयणो ? किं वा केणं न पाविआ भोगा? / संतेसु वि पडिबंधो दुलो त्ति तओ चएअव्वो // 107 //
