________________ एयारिस दुव्वयणं भासंता अप्पणो पमायंता / बुड्डेति भवसमुद्दे बुड्डावंता परेसिं पि . // 417 // पवयणनामग्गाहं वक्खाणे जो करेइ विगहाइ / कामत्थहासविह्मियकारि किर मुद्धबालाणं // 418 // बज्झब्भंतरगंठि धरइ सया भासइ पुण जणाणं / दूसमदोसेण जओ समणाणं दुल्लहसामग्गी // 419 // जइ कहमवि जत्थ गणे भिक्खुजणा संजमे कुसीला य / जइ सूरि सुद्धधम्म-ट्ठिओ हविज्ज जत्थ सो गच्छो // 420 // संजमहीणा मुणिणो जत्थ गणे हुंति सो वि मुत्तव्यो / जइ सूरि कुमग्गपरो सोवागकुलु व्व भव्वेहिं // 421 // निम्मलजलसंपुण्णो सोवागंधु व्व गरहणिज्जो सो / तिविहेण तस्स संगो वज्जेयव्वो सुसाहुहिं // 422 // नियतणुसायनिमित्तं आहाकम्मं अणेसणिज्जं च / जो भुंजइ आयरिओ संजमकामीहिं मुत्तव्वो // 423 // जत्थ य अज्जासंगी आयरिओ. सव्वदव्वसंगहिओ। उम्मग्गपक्खकरणो अणज्जमिच्छ व्व मुत्तव्वो // 424 // मूलगुणेहिं विमुक्कं विज्जाकलियं पि लद्धिसंलिद्धं / . उत्तमकुले वि जायं निद्धाडिज्जइ तयं गच्छं // 425 // वत्थोवगरणपत्ताइ दव्वं नियनिस्सएण संगहियं / गिहिगेहम्मि य जेसिं ते किणिणो जाण न हु मुणिणो // 426 / •जे पवयणं भणित्ता गिहिपुरओ कंखए धणं ताओ / ते णाणविक्किणो पुण मिच्छत्तपरा न ते मुणिणो // 427 // अप्पावराहट्ठाणे कुव्वंति सदप्पओ महादंडं / तं धूमधामगहियं सप्पुव्व सया विवज्जिज्जा // 428 // . .. . 170
