________________ जिणजणयजणणी जाया जिणभिक्खादायगा जुगपहाणा / आयरियपयाइदसगं परमत्थगुणड्डमप्पत्तं // 297 // अणुबंध 1 हेउ 2 सरूवा 3 तत्थ अहिंसा तिहा जिणुद्दिट्ठा / दव्वेण य भावेण य दुहा वि तेसिं न संपत्ता // 298 // सम्मद्दिट्ठीण जईण-मकसाईणं भवे अहिंसतियं / उज्जुत्ताणुज्जुत्ताण य दव्वभावेहिं होइ दुहा // 299 // पूयाए कायवहो पसंगजणिओ तहा वि अणवज्जो / जम्हा मित्ती पयडा निसीहिकरणम्मि सव्वत्थ // 300 // समणोवासगभेया चउहा विरया य सव्वओ विरया / विरया विरया सव्वओ विरयाविरया इमे चउहा // 301 // मिच्छा केवलसम्मा सम्माविरया य संजमाविरया / अकसिणसंजमविरया विरयाविरया तहा कसिणा // 302 // पुव्वाणं जा किरिया हिंसा अणुबंधभावसंजणिया / इयराणज्झवसायविसेसओ अग्गिमा दुविहा . // 303 // अभिगमणवंदणनमं-सणाणि पच्चक्खसाहुसोविकिच्चाणि / अणिसिद्धमणुमयाणि-त्ति निरवज्जरूवाणि // 304 // अरिहंतसिद्धचेइय-गुरुसुयसम्मे य साहुवग्गे य / आयरियउवज्झाए पवयणे. सव्वसंघे य . // 305 // एएसु भत्तिजुत्ता पूयंता अहारिहं मणा अमणा / सामण्णमणुसरंता परित्तसंसारिया भणिया // 306 // एयं पवयणवयणं धारंता नियमणे महासत्ता / अरिहपयढे अट्ठसु निक्खेवाईसु भत्तिपरा // 307 // नाणावरणिज्जस्स उ दंसणमोहस्स तह खओवसमे / जीवे अट्ठसु भंगेसु होइ लाहो य सव्वत्थ // 308 // . 17e .
