________________ तेसिं ठवणा भव्वाण-ममियगुणकारिणी विणिद्दिट्ठा / सव्वत्थ सयलतियसाई-एहिं खलु अच्चणिज्जगुणा // 285 // जइ नाम गुणसमिद्धं करेइ लोयाण भवभयुच्छेयं / ता किं पडिमा नो कीरइ सव्वत्थझप्पमाहप्पं // 286 // नामग्गहणे वि तहा रूवारूवावमाणया पडिमा / . . तद्दव्वपज्जवेहिं सरइ जिणिदाण तम्मुत्ती // 287. // गिहिछउममुणिजिणाण-मियराणमसेसइड्ढिगुणकलिओ। अरिहजिण नामजुत्तो जिणवरो जत्थ तप्पडिमा // 288 // भवसंसरमाणो वि हु न फासए बीयतईयगुणठाणं / ... खुड्डभवसुहुमसाहा-रणाइसंदुट्ठभावं नो // 289 // जह अभवियजीवेहिं न फासिया एवमाइया भावा / इंदत्तमनुत्तरसुर-सिलायपुरिसनरनारयत्तं चः // 290 // केवलिगणहरहत्थे पव्वज्जा तित्थवच्छरं दाणं / पवयणसुरीसुरत्तं लोगतियदेवसामित्तं // 291 // तायत्तीससुरत्तं परमाहम्मियजुयलमणुयत्तं / . संभिन्नसोयतहपुव्व-धराहारयपुलायत्तं // 292 // मइनाणाइसुलद्धी सुपत्तदाणं समाहिमरणत्तं / चारणदुयमहुसप्पिय-खीरासवाखीणठाणं वा // 293 // तित्थयरतित्थपडिमा-तणुपरिभोगाइकारणे वि पुणो / पुढवाइयभावमवि अभव्वजीवेहिं नो पत्तं // 294 // चउदसरयणत्तेण वि पत्तं न पुणो विमाणसामित्तं / सम्मत्तनाणसंजम-तवाइ भावा न भावदुगे // 295 // अणुभवजुत्ता भत्ती जिणाण साहम्मियाण वच्छल्लं। न य साहेइ अभव्वो संविग्गत्तं च तप्पक्खं // 296 // = 168
