________________ जो पुण मुणिवेसधरो केवललिंगेण वित्तिकप्पपरो / दव्वत्थओ न तस्स य उचिओ खिंसा पवयणस्स // 273 // सामायारिं कप्पं मग्गं पवयणपभावणाइयं / तेहिं सव्व धणियं लूसियं बोहिवररयणं // 274 // जइ चरिउं नो सक्को सुद्धं जइलिंगमहवपूयट्ठी / तो गिहिलिंगं गिण्हे नो लिंगी पूयणारिहओ // 275 // लिंगीहिं परिग्गहीयं जइ जिणचेइयमवज्जमह साहू / तस्सुद्धरणाइकए दाविज्जो णेव उवएसो // 276 // चेइयवासिविसिटुं जिणाउलं जइ वि तह वि सावज्जं / कमलप्पहेण तम्हा आयरिणा इत्थ दिटुंतं // 277 // जा जिणभत्ती किज्जइ अणज्जलिंगीण सावइज्जेहिं / पडिमा पासाइया बोहिमलयद्दुमग्गिसमा // 278 // विसलवघाइ व्व सयं गुणाण नासेइ बोहिमुवहणइ / तम्हा लिंगिहिं न कया कायव्वा दव्वओ पूया // 279 // जइ दव्वत्थयरसिओ हविज्ज लिंगी चयेइ गिहिलिंगं / जम्हा भणियं समए पूयपरो देवभोइ त्ति // 280 // तम्हा पवयण खिसा निद्दलणत्थं जईहिं कायव्वा / जिणआणा परिपालण-रूवा भावच्चणा सुद्धा // 281 // आसायणापवित्ती जिणआणाभंजणम्मि पडिवत्ती / सा भत्ती वि अभत्ती संसारपवडणा जाण // 282 // विहिकयसव्वुवयारा पूया कयमंगला य बोहिफला / अन्नाणतमोहरणी धरणी गुणसयसहस्साणं // 283 // तणुरूवनाणविन्नाण जोगाईयाण अइसयगुणाणं / तिहुयणजणेहिं अहिया वण्णिज्जइ परक्कमबलेहिं // 284 // 160
