________________ सयमाणेयण पढमा बीया आणावणेण अन्नेहिं / तईया मणसा संपा-डणेणणुमोयणाईहिं . . // 189 // पुप्फामिसथुइपडिवत्तिभेएहिं भासिया चउहा / जहसत्तीए कुज्जा पूया पूयप्पसब्भावा // 190 // दुविहा जिणिंदपूया दव्वे भावे य तत्थ दव्वम्मि / दव्वे जिणोवयारा जिणआणापालणं भावे // 191 // विहिसारं चिय सेवइ सद्धालू सत्तिमं अणुट्ठाणं / दव्वाइ दोसनिहओ वि पक्खवायं वहइ -तम्मि // 192 आसन्नसिद्धियाणं विहिपरिणामो हु होइ सया कालं / ... विहिच्चाओ अविहिभत्ती अभव्वजियदूरभव्वाणं // 193 // विग्धोवसामिगेगा अब्भुदयपसाहिणी भवे बीया / निव्वुइकरणी तइया फलयाओ जहत्थनामेहिं // 194 // / जिणभवणबिंबठावण-जत्तापूयाइ सुत्तओ विहिणा / दव्वत्थउ त्ति नेयं भावत्थयकारणत्तेण णिच्चं चियसंपुण्णा जइ वि हु एसा न तीरए काउं / तह वि हु अणुचिट्ठियव्वा अक्खयदीवाइ दाणेण // 196 // एगमवि उदगबिंदू जह पक्खित्तं महासमुद्दम्मि / जायइ अक्खयमेवं पूया वि हू वीयरागेसु // 197 // एएणं बीएणं दुक्खाई अपाविऊण भवगहणे / अच्चंतुदारभोए भोत्तुं सिझंति स(भ)व्वजिया // 198 // पूयाए मणसंती मणसंतीएहिं उत्तमं झाणं / सुहझाणेण य मोक्खो मुक्खे सुक्खं अणाबाहं // 199 // पूयम्मि वीयरायं भावो विप्फुरइ विसयविच्चाया / आया अहिंसभावे वट्टइ इह तेण नो हिंसा // 200 // . 160
