________________ // 72 // // 73 // // 74 // // 75 // // 76 // // 77 // इयरेसिं बालभावप्पभिई जिणवयणभाविअमईणं / अणभिण्णाण य पायं विसएसु न हुंति ते दोसा तम्हा उ सिद्धमेअं जहण्णओ भणियवयजुआ जोग्गा / उक्कोस अणवगल्लो भयणा संथारसामण्णे अण्णे गिहासमं चिय बिंति पहाणं ति मंदबुद्धीया / जं उवजीवंति तयं नियमा सव्वे वि आसमिणो उवजीवणाकयं जइ पाहण्णं तो तओ पहाणयरा। हलकरिसगपुढवाई जं उवजीवंति ते ते वि सिअ णो ते उवगारं करेमु एतेसिं धम्मनिरयाणं / एवं मन्नति तओ कह पाहण्णं हवइ तेसिं ? ते चेव तेहिं अहिआ किरियाए मंनिएण किं तत्थ ? / णाणाइविरहिआ अह इअ तेसिं होइ पाहण्णं ताणि य जईण जम्हा हुंति विसुद्धाणि तेण तेसिं तु / तं जुत्तं आरंभो अ होइ जं पावहेउ त्ति . अण्णे सयणविरहिआ इमीएँ जोग्ग त्ति एत्थ मण्णंति / सो पालणीयगो किल तच्चाए होइ पावं तु सोगं अक्कंदण विलवणं च जं दुक्खिओ तओ कुणइ / सेवइ जं च अकज्जं तेणं विणा तस्स सो दोसो इअ पाणवहाईआ ण पावहेउ त्ति अह मयं ते वि। णणु तस्स पालणे तह ण होति ते? चिंतणीअमिणं आरंभमंतरेणं ण पालणं तस्स संभवइ जेणं / तम्मि अ पाणवहाई नियमेण हवंति पयडमिणं अण्णं च तस्स चाओ पाणवहाई व गुरुतरा होज्जा ? / जह ताव तस्स चाओ को एत्थ विसेसहेउ त्ति // 78 // // 79 // // 80 // // 81 // // 82 // // 83 //
