________________ जोव्वणमविवेगो च्चिअ विनेओ भावओ उ तयभावो / जोव्वणविगमो सो उण जिणेहिं न कया वि पडिसिद्धो // 60 // जइ एवं तो कम्हा वयम्मि निअमो कओ उ? नणु भणियं / तदहो परिहवखित्ताइ कारणं बहुविहं पुव्वं || 61 // संभावणिज्जदोसां वयम्मि खुड्डु त्ति जं पि तं भणिअं। तं पि न अणहं जम्हा सुभुत्तभोगाण वि समं तं . // 62 // कम्माण रायभूअं वेअंतं जाव मोहणिज्जं तु / संभावणिज्जदोसा चिट्ठइ ता चरमदेहा वि . // 63 // तम्हा न दिक्खिअव्वा केइ अणिअट्टिबायरादारा। ते न य दिक्खाविअला पायं जं विसममेअंति || 64 // विण्णायविसयसंगा जमुत्तमिच्चाइ तं पि णणु तुल्लं / अण्णायविसयसंगा वि तग्गुणा केइ जं हुति // 65 // अब्भासजणिअपसरा पायं कामा य तब्भवब्भासो। असुहपवित्तिणिमित्तो तेर्सि नो सुंदरतरा ते // 66 // धम्मत्थकाममोक्खा जमुत्तमिच्चाइ तुच्छमेअंतु। संसारकारणं जं पयईए अत्थकामाओ // 6 // असुहो अ महापावो संसारो तप्परिक्खयणिमित्तं / बुद्धिमया पुरिसेणं सुद्धो धम्मो अ कायव्वो अन्नं च जीविअंजं विज्जुलयाडोवचंचलमसारं। पिअजणसंबंधो वि अ सया तओ धम्ममाराहे || 69 // मोक्खो वि तप्फलं चिअ नेओ परमत्थओ तयत्थं पि। . धम्मो च्चिअ कायव्वो जिणभणिओ अप्पमत्तेणं // 70 // तहऽभुत्तभोगदोसा इच्चाइ जमुत्तमुत्तिमित्तमिदं / इयरेसिं उ दुट्ठयरा सइमाईया जओ दोसा __ // 71 // // 68 //
