________________ णोसप्पिणिउस्सप्पिणि होइ पलिभागसो चउत्थम्मि। काले पलिभागेसु अ संहरणे होइ सव्वेसुं // 1488 // पढमे वा बीए वा पडिवज्जइ संजमम्मि जिणकप्पं / पुव्वपडिवन्नओ पुण अण्णयरे संजमे हुज्जा // 1489 // मज्झिमतित्थयराणं पढमे पुरिमंतिमाण बीअम्मि। पच्छा विसुद्धजोगा अण्णयरं पावइ तयं तु // 1490 // तित्थे त्ति नियमओ च्चिय होइ स तित्थम्मि न पुण तदभावे / विगएऽणुप्पण्णे वा जाईसरणाइएहिं तु // 1491 // अहिगयरं गुणठाणं होइ अतित्थम्मि एस किं ण भवे ? / एसा एअस्स ठिई पण्णत्ता वीअरागेहिं // 1492 // परिआओ अ दुभेओ गिहिजइभेएहिं होइ णायव्वो। एक्केको उ दुभेओ जहण्णउक्कोसओ चेव // 1493 / / एअस्स एस णेओ गिहिपरिआओ जहण्ण गुणतीसा। जइपरिआए वीसा दोसु वि मुक्कोस देसूणा अप्पुव्वं णाहिज्जइ आगममेसो पडुच्च तं जम्मं / जमुचिअपगिट्ठजोगाराहणओ चेव कयकिच्चो . // 1495 // पुव्वाहीअं तु तयं पायं अणुसरइ निच्चमेवेस। एगग्गमणो सम्मं विस्सोअसिगाइखयहेडं // 1496 // वेओ पवित्तिकाले इत्थीवज्जो उ होइ एगयरो। पुव्वपडिवन्नगो पुण होज्ज सवेओ अवेओ वा // 1497 // उवसमसेढीए खलु वेए उवसामिअम्मि उ अवेओ। न उखविए तज्जम्मे केवलपडिसेहभावाओ // 1498 // ठिअमट्ठिए अ कप्पे आचेलक्काइएसु ठाणेसुं / सव्वेसु ठिआ पढमो चउ ठिअ छसु अट्ठिआ बिइओ // 1499 // // 1494 // 125
