________________ आचेलक्कुद्देसिअसिज्जायररायपिंडकिइकम्मे। वयजिट्ठपडिक्कमणे मासंपज्जोसवणकप्पे // 1500 // लिंगम्मि होइ भयणा पडिवज्जइ उभयलिंगसंपन्नो। उवरिं तु भावलिंगं पुव्वपवण्णस्स णिअमेण // 1501 / / इअरं तु जिण्णभावाइएहि सययं न होइ वि कयाई। ण य तेण विणा वि तहा जायइ से भावपरिहाणी // 1502 / / लेसासु विसुद्धासुं पडिवज्जइ तीसु न पुण सेसासु / पुव्वपडिवन्नओ पुण होज्जा सव्वासु कि कहंचि // 1503 // णच्चंतसंकिलिट्ठासु थेवकालं व हंदि इअरासु। चित्ता कम्माण गई तहा वि विरिअं फलं देइ // 1504 // झाणम्मि वि धम्मेणं पडिवज्जइ सो पवड्ढमाणेणं / इअरेसुवि झाणेसुं पुव्वंपवण्णो ण पडिसिद्धो // 1505 // एवं च कुसलजोगे उद्दामे तिव्वकम्मपरिणामा। रोघट्टेसु वि भावे इमस्स पायं निरणुबंधो // 1506 // गणणत्ति सयपुहुत्तं एएसि एगदेव उक्कोसा। . होइ पडिवज्जमाणे पडुच्च इअरा उ एगाई // 1507 // पुव्वपडिवनगाण उ एसा उक्कोसिआ उचिअखित्ते। होइ सहस्सपुहुत्तं इअरा एवंविहा चेव // 1508 / / दव्वाईआभिग्गह विचित्तरूवा ण होंति इत्तिरिआ। एअस्स आवकहिओ कप्पो च्चिअभिग्गहो जेण // 1509 / / एयम्मि गोअराई णिअया णिअमेण णिरववाया य। . तप्पालणं चिअ परं एअस्स विसुद्धिठाणं तु // 1510 / / पव्वावेइ ण एसो अण्णं कप्पट्ठिओ त्ति काऊणं . आणाउ तह पयट्टो चरमाणसणि व्व णिरविक्खो . // 1511 / / 16
