________________ नो पुरिसमित्तगम्मा तदतिसओ वि हु ण बहुमओ तुम्हें / लोइअवयणेहितो दिटुं च कहिचि वेहम्मं // 1284 // ताणिह पोरसेआणि अपोरसेआणि वेयवयणाणि / सग्गुव्वसिअमुहाणं दिट्ठो तह अत्थभेओ वि // 1285 // न य तं सहावओ च्चिय सत्थपगासणपरं पईओव्व। .. समयविभेआजोगा मिच्छत्तपग़ासजोगा य इंदीवरम्मि दीवो पगासई रत्तयं असंतं पि। चंदो वि पीअवत्थं धवलं न य निच्छओ तत्तो // 1287 // एवं नो कहिआगमपओगगुरुसंपयायभावो वि। जुज्जइ सुहो इहं खलु णाएणं छिण्णमूलत्ता // 1288 // ण कयाइ इओ कस्सइ इह णिच्छयमो कहिंचि वत्थुम्मि। जाओ त्ति कहइ एवं जं सो तत्तं स वामोहो // 1289 // तत्तो अ आगमो जो विणेअसत्ताण सो वि एमेव / तस्स पओगो चेवं अणिवारणगं च णिअमेणं .. // 1290 // णेवं परंपराए माणं एत्थ गुरुसंपयाओ वि। . रूवविसेसट्ठवणे जह जच्चंघाण सव्वेसिं // 1291 // भवओ वि अ सव्वण्णू सव्वो आगमपुरस्सरो जेणं / ता सो अपोरुसेओ इअरो वाऽणागमा जो उ // 1292 // नोभयमवि जमणाई बीअंकुरजीवकम्मजोगसमं / अहवऽत्थतो उ एवं ण वयणउ वत्तहीणं तं // 1293 // वेयवयणम्मि सव्वं णाएणासंभवंतरूवं जं। तो इअरवयणसिद्धं वत्थू कह सिज्झई तत्तो? // 1294 / / ण हि रयणगुणाऽरयणे कदाचिदवि होंति उवलसाधम्मा। एवं वयणंतरगुणा ण होंति सामण्णवयणम्मि // 1295 // 108
