________________ भरहस्स तत्थ मुच्छाविगमे णणु आसि चरणपरिणामो / ण य तम्मि तेण तहियं काचि पवित्ती कया आसि // 1008 // ण य इय मुच्छाविगमो तुम्हाणं तत्थ तहपवित्तीओ। पत्तेयबुद्धणातं एवमजुत्तं मुणेयव्वं // 1009 // सिय विहियाणुढाणं एवं अम्हाण ता ण दोसो उ। सत्थं एत्थ पमाणं, जहेव चितिवंदणादीसु // 1010 // असुहपरिणामबीजं जमणुट्ठाणं विहेइ तं किह णु / सत्थं ति अतो एसो पक्खेवो होइ नायव्वो // 1011 // णियमेण य असुहो च्चिय परिणामो तम्मि सइ मुणेयव्वो / किं दाहगो वि अग्गी सन्निहितं न डहई कटुं ? // 1012 // सिय तस्सुवासग च्चिय करेंति पडिजग्गणं न भिक्खु त्ति / तप्फलपरिभोगो वि हु आहाकम्मं ति तो दुट्ठो // 1013 // कालपरिहाणिदोसा एद्दहमित्ते ण चे हवति दोसो / सक्कपरिहारसावज्जसेवणे कहमदोसो तु? // 1014 // चत्तघरावासाणं गामादिपरिग्गहम्मि ता दोसो। रयणं मोत्तूण जहा कायमणिं गेण्हमाणाणं // 1015 // वत्थादिगं पि धम्मोवगरणमन्ने अदिट्ठपरमत्था / संसारहेतुभूतं परिग्रहं चेव मन्नंति . // 1016 // जायणसंमुच्छणमो धुवणे पाणाण होति वावत्ती। दातारस्स वि पीडा संधणमादीसु पलिमंथो // 1017 // राढा मुच्छा य भयं अविहारो चेव भारवहणं च / तेणाहडाधिगरणं सोगो य पमायणढे वि // 1018 // सावेक्खया य दाणादकज्जसिद्धी परीसहासहणं / गुरुपडिकुटुं गिहिलिंग गंथमो वत्थदोसा उ // 1019 //
