________________ तं केवलं अमुत्तं न य आगारो इमस्स जुत्तो त्ति / तदभावम्मि य पावइ वत्तं संवेयणाभावो // 732 // ता विसयगहणपरिणामतो तु सागारता भवइ तस्स / तदभावे तदभावो न य सो. तम्हा तओ अस्थि // 733 // एतेणं आगारो भिन्नोऽभिन्नो त्ति एवमादीयं / जं भणियं तं सव्वं पडिसिद्ध होइ दट्ठव्वं // 734 / / जं गाहगपरिणामो णियतों नाणम्मि होइ आगारो / न विसयगतसंकमतो जहुत्तदोसप्पसंगातो' // 735 // ण य गज्झमंतरेणं सो जायइ जेण तेण तस्सिद्धी / तत्तो तु संगया बज्झदंसणाणुभवतो चेव // 736 // देंतस्स हिरन्नादी अब्भासा देहमादियं चेव / अग्गहविणिवित्ती जा सेट्ठा सा दाणपारमिया // 737 // तदभावम्मि य कह सा ? चित्ताओ चेव दाणरूवाओ / तंऽपऽगहिते ण जुत्तं अथिम्मि गहो वि कह (जह) पुव् i // 738 // अग्गहियम्मि वि जायइ चित्तुप्पातो तहाविहो तस्स / नियहेतुसहावातो इतरस्स वि लुद्धचित्तस्स // 739 // माणं किमेत्थ तुझं? पच्चक्खं ताव ण घडई चेव / अविगप्पगं जमिटुं अगाहगं तह य अन्नस्स // 740 // अणुमाणं पि हु तप्पुव्वगं ति णो गाहगं अहिगतस्स / णय अन्नमत्थि माणं एतममाणं कहं हवतु ? // 741 // बज्झत्थाभावातो भत्ती एसा इमो तु देहो त्ति / विनाणमेत्तमेव उ परमत्थु (थो) विहाडिओ एवं // 742 // तम्हा मुत्तं कम्मं सिद्धमिदं जुत्तिओ इहं ताव / परमत्थपेच्छगेहिं जिणवयणाओ य विनेयं // 743 // 2
