________________ हंत अमुत्तत्तम्मि वि आगासस्सेव अणुवलंभो से / पावति तदभेदातो इतरस्स वि अहव उवलंभो // 660 // समवायलक्खणेणं संबंधेणं ण तं पि संबद्धं / तदभिन्नदेसताए को अन्नो एस समवायो ? // 661 // तम्हा मुत्तसरूवानुगमं मोत्तूण णत्थऽमुत्तस्स / / गहणं तब्भावम्मि य एगंतेणं कहं भेदो ? .. // 662 // इय जुत्तिविरहतो खलु बुहेण बज्झत्थसत्तमि ति मोहो / संसारखयनिमित्तं वज्जेयव्वो पयत्तेणं // 663 // रज्जुम्मि सप्पणाणं मोहो भयमादिया ततो दोसा / ते चेव उ तन्नाणे ण होन्ति तत्तो य सुहसिद्धी // 664 // बज्झत्थे विनाणं मोहो रागाइया तओ,दोसा / ते चेव उ तन्नाणे न होन्ति तत्तो य मोक्खसुहं सागारमणागारं उभयाणुभयं व होज्ज णाणं पि ? / गाहगपमाणविरहां ण संगतं सव्वपक्खेसु // 666 // नाणंतरं न इंदियगम्मं तग्गाहगं कुतो माणं ? / एमादि हंहि तुलं पायं विन्नाणपक्खे वि . // 667 // किं चागारो तस्सा किमंगभूतो उआहु विसयातो ? / जति ताव अंगभूतो कहं णु णाणंतरावगमो ? // 668 // अणवगमम्मि य परमोहविउट्टणं केण सत्थमुवदिटुं ? / तदभावे सम्ममिदं मिच्छा इतरं तु को मोहो ? // 669 // चोरो वंझापुत्तो अतो असाहु ति किमिह विनाणं / " जायइ तिक्खं च जओ खरसंगं तेण साहु त्ति // 670 // एयविगप्पाभावे कुतो विवादो त्ति ? कुणसि य तुमं ति / खंधारूढो उलुगो विसुमरितो तं इमं णायं // 671 //
