________________ दुविहं च मोहणिज्जं दंसणमोहं चरित्तमोहं च / दंसणमोहं तिविहं सम्मेतरमीसवेदणीयं // 612 // दुविहं चरित्तमोहं कसाय तह णोकसायवेयणियं / सोलसनवभेदं पुण जहसंखं तं मुणेयव्वं // 613 // अणअप्पच्चक्खाणपच्चखाणावरणा य संजलणा / . . कोहमाणमायलोभा पत्तेयं चठविकप्प त्ति // 614 // इत्थीपुरिसनपुंसगवेदतिगं चेव होइ नायव्वं / हासरतिअरतिभयं सोगदुगुंछा य छक्कं ति // 615 // आउं च एत्थ कम्मं चउव्विहं नवरि होति नायव्वं / नारयतिरियनरामरगतिभेदविभागतो जाण // 616 // नाम दुचत्तभेदं गतिजातिसरीरअंगुवंगे य / बंधण संघायणसंघयणा संठाण णामं च // 617 // तह वनगंधरसफासणाममगुरुलघू य बोद्धव्वं / उवघायपराघाताणुपुव्विउस्सासनामं च .. // 618 // आतवउज्जोव (त) विहागती य तसथावराभिहाणं च / बायरसुहुमं पज्जत्तापज्जत्तं च नायव्वं // 619 // पत्तेयं साहारणथिरमथिरसुभासुभं च नायव्वं / सूभगदूभगनामं सूसर तह दूसरं चेव // 620 // आएज्जमणाएज्जं जसकित्तीनाममजसकित्तिं च / / निम्माणनाममतुलं चरिमं तित्थगरनामं च // 621 // गोयं च दुविहभेदं उच्चागोयं तहेव णीयं च / चरिमं च पंचभेदं पन्नत्तं वीयरागेहिं ___ // 622 // तं दाणलाभभोगोवभोगविरियंतराइयं जाण / चित्तं पोग्गलरूवं विनेयं सव्वमेवेदं // 623 // પર
