________________ पतिणियतता तु लोए गुणाण दिट्ठा निमित्तभेदेण / एगंतभेदपंक्खे ण य जुज्जइ तमविसेसाओ // 480 // समवाया संबंधी तेसिं तस्सेव तेहि णणु केण ? / जति अन्नेणणवत्था अह उ सयं किन्न तेसि पि? // 481 // सिय सो उभयसहावो अप्पाणं ते य संघडावेति / सपरप्पकासधम्मो तहासहावा पदीवो व्व // 482 // ते चेव किन्न ? एवं तहासहावविरहा ण माणमिह / न घडइ चितिज्जंतं तुह पक्खे दीवणातं पि. // 483 // जमभिन्नो सपगासा सो सपरपगासगो णयाभेदो। तेसि पि तुज्झ इट्ठो ता सो वि तहाविहो किह णु ? // 484 // दीवो वि हंत दव्वं तस्स पगासो मतो इहं. धम्मो / एतेसिं भेदम्मि तु सो सपरपगासगो मोहो // 485 // किंच इह ते सहावा तत्तो भिन्ना व होज्जऽभिन्ना वा ? | भेदे तस्स त्ति कहं ? एतेऽभेदे कहं दोन्नि ? // 486 / / सम्वाइसु समवातो इह बुद्धी जह विणा तयं इट्ठा / इय जीवे णाणमियं ण हवइ णणु केण कज्जेणं ? // 487 // एवं समवातो वि हु चितिज्जतो न सव्वहा घडइ / ता गुणगुणिणो सिद्धो संवेदणओ अभेदो वि // 488 // सिय करणमेव नाणं आता कत्त चि चेव भेदो तु / नहि वासिवड्डईणं इह अभेदो कहंचिदवि // 489 // तं खलु बझं करणं नाणं पुण अंतरं ति वेधम्मं / / न य अपरिणओ उ तहा अगेण्हिउं ती अयं घडति // 490 // परिणामे पुण एगत्थसाहगत्तस्सऽभेदओ किह णु / जुज्जइ इमं जमुत्तं ण तेसिंऽभेदो कहंचिदवि ? // 491 / / 41
