________________ अह तं पइ हेउस्सा अहेउगत्तं पसाहियं पुव्विं / / णेयेहि वियप्पेहिं जातिवियप्पा हु ते णेया / // 444 // जम्हा अणुहवसिद्धे तस्सुप्पाए वि एवजातीया / .. संति वियप्पा तेसिं भावे वि य तस्स णाभावो // 445 // उप्पत्तिसहावं वाणुप्पत्तिसहावगं व तद्धेऊ / .. कुज्जा भावं उभयाणुभयसहावं व इति भेदा . // 446 // जइ उप्पत्तिसहावं अफलो तस्सेव तस्सभावत्ता / हेतू तदवेक्खम्मि य तम्मि विणासे वि किमजुत्तं ? // 447 // तस्सेवेस सहावो पतिणिययं चेव अणुवगारि पि / / हेडं पप्प विणस्सइ भावो त्ति सहेउगो तो सो // 448 // ण य भावहेतवो वि हु कुणंति भावस्स किंचि तुह पक्खे / जं तस्सत्तामेत्तं पडुच्च भणितो तदुप्पातो // 449 // अहऽणुप्पत्तिसहावं कुज्जा एवं नु खरविसाणं पि। अह सो न तस्स हेऊ इतरस्स उ केण हेउ त्ति ? // 450 // जमणुप्पत्तिसहावा खरसिंगघडादओऽविसेसेण / ता एगस्साऽहेऊ सेसाण वि, भेयसिद्धी वा // 451 // तस्सत्थि इहं हेऊ तत्थो उप्पज्जते य ता कह णु ? / . एसोणुप्पत्तिसहावगो त्ति पन्ना ववइसंति // 452 // उभयसहावत्तम्मि उ विरोहदोसोऽणिवारियप्पसरो / इतरम्मि वि उप्पातो अभावतो चेव नो जुत्तो // 453 // किं तिण्हं कि सण्हं किं कसिणं सुकिल्लं च खरसिंगं / जह निव्विसया भेया एए एमेव एते वि // 454 // जम्हाऽणुप्पन्नो सो भावो खरसिंगतुल्ल एवेह। उप्पन्नम्मि य तम्मि वि वियप्पणा निप्फला चेव // 455 // 30
