________________ पुढवीधम्माण पडे ण संकमो जह तहेव य घडे वि / तुल्ले असंकमे किं घडो तु कज्ज नतु पडादी ? // 396 // अन्नं च दलविहीणं कह जायति किं दलंति से वच्चं ? / जइ कारणं अणुगमो अह णो अदला हु उप्पत्ती // 397 // . अणियत्ते य कहंची अविणाभूयम्मि तस्स परिणामे / जातमिणं ति न जुज्जइ अगरिसणं तह य इतरस्स . // 398 // . अभिंतरे वि कज्जे एवं चिय भावणेह कायव्वा / तब्भावम्मि य सिद्धो परिणामी हंत जीवी वि // 399 // णिरहेतुगो विणासो णणु भावाणं तओ य खणिगत्तं / .. जुज्जइ य अवत्थाणं सहेतुगे इह विणासम्मि // 400 // जाव ण विणासहेऊ ताव चिट्ठति सति य तम्मि उ विणस्से / न य ते घडत्ति (घडंति) सम्मं चिंतिज्जंता कहंचिदवि।। 401 // किं कुणइ नासहेऊ ? जओ विणस्सं तु किं तओ अन्नं ? / किं तदभावं किं वा न किंचि नणु एत्तिगा भेदा . // 402 // न विणस्समेव जम्हा सहेउतो चेव सो पसूतो त्ति / जातस्स वि पुण करणे जायइ अणवत्थदोसो उ // 403 // अह उ तदन्नं किं तस्स आगयं ? तेण तादवत्थातो / दीसेज्ज तओ कुज्जा कज्जंतरमो य जह पुव्विं // 404 // आवरणं पि न जुज्जइ तप्पभवं तस्स तादवत्थातो। अन्नह तओ उ णासो एत्थ य पुव्वोदिओ दोसो // 405 // . ततियम्मि पज्जुदासे हंत वियप्पम्मि अविगला दोसा। . एत च्चिय विनेया भावंतरओ उ तस्सावि // 406 // तदभावमह करेती तदभा (तब्भा) वं हंत एवं ण करेइ / भावं च अकुव्वंतो कहं स हेतु त्ति ? चिन्तमिदं / // 407 // . 34
