________________ एगसहावत्ता सति निरन्नयत्तेण कारणाभावा / निच्चे धम्माजोगो भेदादिविगप्पिओ नेओ // 336 // परिणामे पुणं जं धम्मधम्मिणो इह कहंचि भेदो उ / एसो अणुहवसिद्धो माणं च तओ अबाधाओ // 337 // सव्वेसि दव्वपज्जवदुगरूवो णुहवो विसेसेणं / जं न मिहो ते भिन्ना भुवणम्मि वि सव्वहा अस्थि // 338 // नय बाहगं पमाणं इमस्स लोयम्मि दिस्सति कहंचि / अह अत्थऽणिदियं से ण साहगं तं पि का जुत्ती ? // 339 // भूतत्थगाहगं जं तमणिदियं एस चेव च तउ त्ति / जुत्तीएँ अन्नहा जं न जुज्जए वत्थुसब्भावो // 340 // अणुवित्तिं वावित्तिं विहाय ण य उभयरूवता जम्हा / भेयाभेयविगप्पो तम्हा णेओ असव्वातो // 341 / / धम्मम्मि नियत्तंते जइ णो दव्वं नियत्तई भेओ / अह उ णियत्तइ एवं तओ अभेउ त्ति कहमुभयं? // 342 // उभयं अणुहवसिद्धं भणियमिणं अणुहवो वि कह तम्मि ? लंघइ वियप्पजुयलंति हंत तो सो तदाभासो . // 343 // मोत्तूणमणुभवं किं पमाणभावो वियप्पजुयलस्स ? / तदणुहवस्स वि एवं अपमाणत्तम्मि किं तेण ? // 344 // तह वि य पमाणभावो जइ तस्सितरस्स णेति का जुती ? / अह उ अबाहियबोधत्तणं न इयरेण बाधातो // 345 // तस्स तु ण तेण बाधा तदभावे तस्स चेवऽभावाओ / / एगंतनिच्चऽनिच्चम्मि भाविओ चेव सो किंच // 346 // धम्मे नियत्तमाणे नियत्तए इह कहंचि दव्वं पि / तम्मि य अणियत्तंते ण णियत्त ति सव्वहा सोऽ वि // 347 // 29
