________________ तुल्लत्थसाधिगा अह सत्ती णो तेसि जेसु ता अस्थि / ते चेव तहाभूता सा एगा वा अणेग त्ति ? // 324 // जति एगा कह भिन्नेसु वट्टते ? किं च तह ण सामण्णं ? / अच्चंतणेगपक्खे सो चेव अतिप्पसंगो तु . // 325 // भेयम्मि वि सा तुल्ला णेवं अण्ण त्ति णेवमविसिट्ठो / भावाण हंत भेदो फलभेदाभेदओ णेओ // 326 // तुल्लत्थसाधिगा इह सत्ती तम्हा समाणपरिणामो। सो भावो त्ति सहावो तद्धम्मो चेव एसी वि // 327 // एसो कहंचि भिन्नो संवेदणवयणकज्जतो णेओ। .. अवरोप्परं समाणत्तमण्णहा सव्वधाऽजुत्तं // 328 // सिय वासणातो गम्मइ सा वासगवासणिज्जभावेण / जुत्ता समेच्च दोण्हं ण तु जम्माणंतरहतस्स // 329 // सा वासगातो भिण्णाभिण्णा व हवेज्ज ? भेदपक्खम्मि / को तीऍ तस्स जोगो ? तस्सुण्णो वासइ कहं च ? // 330 // अह णो भिन्ना कह तीऍ संकमो होई वासणिज्जम्मि ? / . तदभावम्मि य तत्तो णो जुत्ता वासणा तस्स // 331 // सति यण्णयप्पसिद्धी पक्खंतरमो य णत्थि इह अन्नं / परिकप्पिता तई अह ववहारंगं ततो कह णु ? // 332 // एगंतखणिगपक्खे वि जुज्जते णो सुहादिजोगेवं / अत्थि य जं तो आया परिणामी होइ णायव्वो // 333 // बालादिदरिसणातो सुहादिजोगातो तह सतीओ य। . संसारातो कम्मफलभावतो मोक्खओ चेव // 334 // बालो होइ कुमारो सो वि जुवा मज्झिमो य थविरो य / एगंतनिच्चपक्खे अणिच्चपक्खे य कहमेयं ? - // 335 // 28
