________________ जइ रायसासणं ता तदन्नणिवसासणेण वभिचारो / आणवइ य निच्चादी भागवयाई वि तह बोहा // 312 // अह णिब्विगप्पगेणं अग्गहणं एत्थ णिच्छओ कह णु ? / जं तमवबोधमेत्तं संगहियासेसगं चेव // 313 // आलोयणाए वि कहं तस्साभावो ? वियप्पनाणाओ / जम्हा एवं तई पवत्तई तं च भे (तई पवत्तइ तं च भवतां मए) मिच्छा // 314 // अह तस्सेवमजुत्ती णेया अत्थकिरियाविरोहाओ / खणिगे तीऍ विरोहो णिच्चे उ ण जुज्जई कह वि // 315 // खणिगत्ते सदसत्तं तस्सुप्पाओ तओ विणासो य / णट्ठस्स तओ भावो सइ णासे तट्टिई किह णु ? // 316 // ण य तद्धम्माणुगमो कहंचिदवि अत्थि जं ततो णियमो / वइमेत्तकोसपाणादिसवहगम्मो मुणेयव्वो // 317 // अह उत्तरावरट्ठियखणदुगगहणमिह दिस्सते सक्खं / किं तेण ? जं ण तेर्सि सोवगतो हेतुफलभावो // 318 // ण य सामन्नं पतिवत्थुसव्वहाभेदवादिणो किंचि / / अस्थि वियारिजंतं .जस्स बला होइ तदवगमो // 319 // पतिनियतेगसहावा भावा सव्वे मिहो विभिण्णा य / सव्वत्तो सव्वेसि अविसिट्ठा तेण वावत्ती // 320 // जइ कोइ कुतोइ भवे अव्वावित्तो कहंचि तो होज्जा / वावित्तीण विसेसो तत्तो सामनववहारो // 321 // ण य कोइ कुतोइ कहंचि विज्जते भावतो अभिन्नो उ / तुल्लत्थसाहगत्ता तह वि विसेसो सहावातो - // 322 // अविसिट्ठम्मि तु भेदे तुलत्थपसाहगत्तमेवेह / ण घडइ गोघडतुल्लत्थसाधगत्तप्पसंगातो // 323 // 29
