________________ किं चाणलविण्णाणं तज्जन्नसहावधूमणाणस्स / हेतु त्ति तत्थ चिंतं तण्णाणं णणु तहा किह णु ? // 300 // एगपडिवत्तिरूवं तं चे एत्तो इदं ति वइमेतं / तज्जण्णसहावत्तावगमम्मि यऽतिप्पसंगो त्ति // 301 // अणलादिअणुभवातो तह होइ वियप्पवासणाबोधो / तत्तो तहा वियप्पो तत्तो पत्तो इदं ति ठिई // 302 // .. णणु सो विणस्सरो च्चिय जओ तओ कह णु जुज्जइ ठिई भे? / सा तह दीहाणुभवा अणुसंधाणादभावम्मि // 303 // .. दीहाणुहवत्तं से लक्खिज्जइ तविरोहिविरहाओ। . सरिसावरावरुप्पत्तिविप्पलंभाओ ण उ तत्थं // 304 // एवंऽपणुहवबाहा अदिट्ठपरिगप्पणा य नियमेण / वितहत्ते य इमीए सव्वं चिय पावई वितहं // 305 // खणिगं वत्थु अविगप्पगं च णाणं ति एवमादीयं / जम्हा इमीऍ सिद्धं विचारणा जं न अनेण . // 306 // ण य णिव्वियप्पबुद्धी एयं एवं ति अवगमसमत्था / अवियप्पभावउ च्चिय पयप्पणे तिप्पसंगो ति // 307 / / तह णिच्छयबुद्धीए णत्थि तओ न खलु सा वि तव्विसया / उप्पज्जए य कस्सइ तदणंतरमण्णहा वि तई // 308 // जा वत्थुणुहवसहगारिवासणाबोधओ तहा होई। तत्थेव सा जओ तं वत्थु णियमा तहच्चेव // 309 / / जा पुण अणाइमिच्छावियप्पकयवासणाविबोधाओ। . जायइ धुवादिविसया साऽतत्था तस्सऽजुत्तीओ // 310 // तस्साऽजुत्ती किं रायसासणं आउ णिब्वियप्पेणं / अग्गहणं किं वाऽऽलोयणाए तस्सेव तु अभावो? // 311 // 26
