________________ तप्फलजणणसहावं तु कारणं तं च घेप्पइ तहेव / कज्जं पुण तक्कारणजण्णसहावंति तं पि तहा // 288 // धूमजणणस्सभावो (वा) णलगाहग मो जमेत्थ विण्णाणं / जं तमणलजनसहावधूमविण्णाणहेउ त्ति // 289 // एत्तो इदं ति सिद्धे नो अन्नाउ त्ति अन्नयाऽसिद्धी / कत्तो वि कारणा किंचि कज्जमिय कि न जुत्तमिह ? // 290 // विहितुत्तरमेवेदं अतिप्पसंगादिदोसभावातो / सो चेव सहावातो णियमणिमित्तातो पडिसिद्धो // 291 / / ण य मोत्तु तहसहावं तहभावे णियमणं तु भावाणं / ण य वत्थुसहावो वि हु पज्जणुजोगस्स विसउ त्ति // 292 // अग्गी डहति ण तु णहं सहावतो कोऽणुजुज्जते एत्थं ? / एसा ण विपडिवत्ती सत्तामेत्तेण कज्जे वि // 293 // सत्तामेत्तेण य से दाहगभावम्मि किं न तेलोक्कं / डहति ? ण हि तस्सभावो तउ त्ति माणं परं सद्धा // 294 // दीसइ किंचि दहंतो ण तु सव्वं ता कहं भवे सद्धा ? / सत्तामेत्तविसेसा एयं पि विरुज्झई मूढ ! // 295 / / डाहम्मि णो विगाणं कह घडई सो त्ति ? एत्थ सव्वेसिं / एत्थ वि पतिणियतो चिय तस्स सहावो णिमित्तं तु // 296 // होउ स सत्तामेत्तेण जुज्जती णो अतिप्पसंगातो / मोत्तूणमभिनिवेसं वत्थुसहावं ण चिंतेसि // 297 // सत्तामेत्तेण जलं दूरत्थं पि हु तहासहावातो / डहति जलणो य पहाणं कुणइ ण एवं नु का जुत्ती ? // 298 // णो तस्सेस सहावो किं माणं एत्थ ? लोगसंवित्ती। सा अन्नए वि अब्भुवगमचिंताए य किं तीए ? // 299 // .. . . 25
