________________ दिवो पवयणगुरुणा राया अणुसासिओ य विहिणा उ / तं नत्थिं जण्ण वियरइ कित्तियमिह आमघाउ त्ति // 409 / / एत्थमणुसासणविही भणिओ सामण्णगुणपसंसाए / गंभीराहरणेहिं उत्तीहि य भावसाराहिं। // 410 // सामण्णे मणुयत्ते धम्माओ णरीसरत्तणं णेयं / इय मुणिऊणं सुंदर ! जत्तो एयम्मि कायव्वो // 411 // इड्डीण मूलमेसो सव्वासि जणमणोहराणं ति / एसो य जाणवत्तं णेओ संसारजलहिम्मि // 412 // जायइ य सुहो एसो उचियत्थापायणेण सव्वस्स / जत्ताए वीयरागाण विसयसारत्तओ पवरो // 413 // एतीए सव्वसत्ता सुहिया खु अहेसि तम्मि कालम्मि / एण्हेिं पि आमघाएण कुणसु तं चेव एतेसिं // 414 // तम्मि असंते राया दट्ठव्वो सावगेहि वि कमेणं / कारेयव्वो य तहा दाणेण वि आमघाउ त्ति // 415 // तेसि पि घायगाणं दायव्वं सामपुव्वगं दाणं / तत्तियदिणाण उचियं कायव्वा देसणा य सुहा // 416 // तित्थस्स वण्णवाओ एवं लोगम्मि बोहिलाभो य / केसिंचि होइ परमो अण्णेसि बीयलाभो त्ति // 417 // जा चिय गुणपडिवत्ती सव्वण्णुमयम्मि होइ पडिसुद्धा / स च्चिय जायति बीयं बोहीए तेणणाएणं // 418 // इय सामत्थाभावे दोहि वि वग्गेहिं पुव्वपुरिसाणं / इय सामत्थजुयाणं बहुमाणो होति कायव्वो // 419 // ते धण्णा सप्पुरिसा जे एयं एवमेव णिस्सेसं / पुव्विं करिसु किच्चं जिणजत्ताए विहाणेणं // 420 // 239
