________________ ता नियविहवणुरूवं विसिट्ठपुप्फाइएहिं जिणपूआ / कायव्वा बुद्धिमया तम्मी बहुमाणसारा य // 162 // एसो चेव इह विही विसेसओ सव्वमेव जत्तेण / जह रेहति तह सम्मं कायव्वमणण्णचेट्टेणं // 163 // वत्थेण बंधिऊणं णासं अहवा जहासमाहीए / वज्जेयव्वं तु तदा देहम्मि वि कंडुयणमाई / 164 // भिच्चा वि सामिणो इय जत्तेण कुणंति जे उ सणिओगं / होति फलभायणं ते इयरेसि किलेसमिनं तु // 165 // . भुवणगुरुण जिणाणं तु (ण वि) विसेसओ. एव (य) मेव दट्ठव्वं / ता एवं चिय पूया एयाण बुहेहिं कायव्वा // 166 // बहुमाणो वि हु एवं जायइ परमपयसाहगो णियमा / . सारथुइथोत्तसहिया तह य चितिवंदणाओ य // 167 // सारा पुण थुइथोत्ता गंभीरपयत्थविरइया जे उ। सब्भूयगुणुक्कित्तणरूवा खलु ते जिणाणं तु // 168 // तेसिं अत्थाहिगमे णियमेणं होइ कुसलपरिणामो / सुंदरभावा तेर्सि इयरम्मि वि रयणणाएण // 169 // जरसमणाई रयणा अण्णायगुणा वि ते समिति जहा। कम्मज्जराइ थुइमाइया वि तह भावरयणा उ // 170 // ता एयपुव्वगं चिय पूजाए उवरि वंदणं नेयं / अक्खलियाइगुणजुयं जहागमं भावसारं तु // 171 // कम्मविसपरममंतो एवं एयं ति बेंति सव्वण्णू (समयण्णू)। मुद्दा एत्थुस्सग्गो अक्खोभो होइ जिणचिण्णो // 172 // एयस्स समत्तीए कुसलं पणिहाणमो उ कायब्वं / . तत्तो पवित्तिविग्घजयसिद्धी तह य थिरीकरणं . . // 173 // 218
