________________ एईए चेव सद्धा जायइ पावेज्ज कहमहं एयं / भवजलहिमहाणावं णिरवेक्खा साणुबंधा य // 56 // विग्घाणं चाभावो भावे वि य चित्तथेज्जमच्चत्थं / एयं दिक्खारागो णिद्दिटुं समयकेहिं // 57 // सव्वस्स चेव जिंदा विसेसओ तह य गुणसमिद्धाणं / / उजुधम्मकरणहसणं रीढा जणपूयणिज्जाणं // 58 // बहुजणविरुद्धसंगो देसादाचारलंघणं चेव / उव्वणभोगो य तहा दाणाइ वि पगडमण्णे तु // 59 // साहुवसणम्मि तोसो सइ सामत्थम्मि अपडियारो य / एमाइयाणि एत्थं लोगविरुद्धाणि णेयाणि // 60 // णाणाइजुओ उ गुरू सुविणे उदगादितारणं तत्तो / अचलाइरोहणं वा तहेव वालाइरक्खा वा / // 61 // वाउकुमाराईणं आहवणं णियणिएहिं मन्तेहिं / मुत्तासुत्तीए किल पच्छा तक्कम्मकरणं तु . // 62 // वाउकुमाराहवणे पमज्जणं तत्थ सुपरिसुद्धं तु / गंधोदगदाणं पुण मेहकुमाराहवणपुव्वं // 63 // उउदेवीणाहवणे गंधड्डा होइ कुसुमवुट्ठी त्ति / अग्गिकुमाराहवणे धूवं एगे इहं बेन्ति // 64 // वेमाणियजोइसभवणवासियाहवणपुव्वगं तत्तो / पागारतिगण्णासो मणिकंचणरुप्पवण्णाणं // 65 // वंतरगाहवणाओ तोरणमाईण होइ विण्णासो। . चितितरुसीहासणछत्तचक्कधयमाइयाणं च // 66 // भुवणगुरुणो य ठवणा सयलजगपियामहस्स तो सम्मं / उक्किट्ठवण्णगोवरि समवसरणबिंबरूवस्स // 67 // 209
