________________ मयविगम लेह कोवे देवीविण्णवण तामलित्तगमो / उज्जाणराय ठावण देविपवेसे णिवागमणं // 991 // भुक्खा कच्छगे कक्कडि तेणऽवदार लउडेण मम्मम्मि / मोहो रायागमऽवट्ट चक्क कोट्टाए अवणयणं // 992 // राया दंसण मग्गण देवी आहवण णिउण मग्गणया / दिढे देवी सोगो अग्गी रण्णो उणिव्वेओ // 993 // . धी भवट्ठिई अणसणं इमीएँ भो आगमम्मि पणिहाणं / मरणं बंभुववाओ ओसरणे सामिपासणया // 994 // दंसणसंपत्ती भवपरित्तया सुहपरंपरज्जिणणं। . गइदुगविगमा मोक्खो सत्तमजम्मम्मि एयस्स // 995 // एवं विसयगयं चिय सव्वेसिं तेंसि हंतऽणुट्ठाणं / णिच्छयओ भावविसेसओ उ फलभेय 'मो दिवो // 996 // सम्माणुट्ठाणं चिय ता सव्वमिणं ति तत्तओ णेयं / ण य अपुणबंधगाई मोत्तुं एवं इहं होइ // 997 // एयं तु तहाभव्वत्तयाएँ संजोगओ णिओगेणं / तह सामग्गीसझं लेसेण णिदंसियं चेव // 998 // दइवपुरिसाहिगारे अत्थावत्तीएँ गरुयणयणिउणं / परिभावेयव्वं खलु बुद्धिमया णवरि जत्तेण // 999 // तहभव्वत्तं चित्तं अकम्मजं आयतत्तमिह णेयं / फलभेया तह कालाइयाणमक्खेवगसहावं // 1000 // इहराऽसमंजसत्तं तस्स तहसभावयाएँ तह चित्तो। . कालाइजोगओ णणु तस्स विवागो कहं होइ ? // 1001 // एसो उ तंतसिद्धो एवं घडए त्ति णियमओ एवं / . पडिवज्जेयव्वं खलु सुहुमेणं तक्कजोगेणं // 1002 // 200
