________________ णिवपरिवारुवलंभा सरणं भीओ कहं पुणो एत्थ ? / ठिइमूगत्तासेवण णाओ विज्जेहिं णिद्दोसो // 955 // मंतिणिवेयण जाणण धण्णो सरणाओ कोइ उव्विग्गो / भवठिड्दंसणकहणं गुणकरमेयस्स तर्हि जुत्तो // 956 // भूसियजंपाणगओ इड्डीए णीणिओ विभागण्णू / भोगम्मी जायछणे मयरूवण दरिद्दग भणींसु // 957 // लाभग चेयग भोगी जाए उ छणो सुवाहितुल्लो त्ति / मरणे दुक्खमवेक्खा किमिह दरिदो वि परलोए // 958 // रायणिवेयण दंसण तोसो पियवयण पुच्छ पसिणत्थे / णमणमणुण्णा संवेग साहणं भावसारमिमं // 959 // धम्मकरणेण भोगी लाभा इहरा उ तुच्छभोगो त्ति / / रज्जफलो त्ति सुवाही तच्छणसरिसो उ एएसु // 960 // मालालुगप्पभोगाइणायओ दुक्खकारणमविक्खा / / धम्मी दरिद्दगो इह अओऽण्णऽहण्णो वि परलोए // 961 // मायापिईहिं भणिओ इह धम्मण्णू तुमं तहावम्हं / ठिइयत्तेहिं इह दुक्खं कुणसि ति सो आह // 962 // गंतव्वं सगईए गुरुयणसंवुड्डिकारयं गच्छे / आसासमाइदीवग जोगर्मि ण अण्णहा जुत्तं // 963 // बोल्लेमि य जं उचियं इहरा उ ण जुत्तमेव वोत्तुं जे। जं इह एस कुहाडी जीहा धम्मेयरतरूणं // 964 // एवं ति तेसिं बोहो धम्मपरिच्छाए पायसो णवरं / माइपिइपूयघायाणमित्थ किं जुत्तमच्चत्थं // 965 // पूज त्ति आहु पायं अण्णेऽणेगंतवायओ तत्तं / / ववहारणिच्छएहिं दुविहा एए जओ णेया // 966 // 190
